زورلىق جاسادى دەگەن كٷدٸكتٸ نۇر-سۇلتانداعى اۋرۋحانانىڭ اۋماعىنان قاشىپ كەتتٸ

ەلوردا پوليتسەيلەرٸ پسيحو-نەۆرولوگييالىق ديسپانسەردەن قاشىپ كەتكەن كٷدٸكتٸنٸ ٸزدەستٸرٸپ جاتىر, دەپ حابارلايدى "ۇلت اقپارات".

«9 قازان كٷنٸ ساعات 12.22 شاماسىندا جانسٷگٸروۆ كٶشەسٸ بويىنداعى پسيحو-نەۆرولوگييالىق ديسپانسەردەن قر قىلمىستىق كودەكسٸنٸڭ 120-بابى (زورلاۋ) بويىنشا ايىپتالعان ەر ادام قاشتى. تەرگەۋ بويىنشا ۇستالعان ەر ادامدى ٸزدەۋگە قالالىق پوليتسييا دەپارتامەنتٸنٸڭ جەكە قۇرامى جۇمىلدىرىلدى», - دەلٸنگەن دەپارتامەنتتٸڭ حابارلاماسىندا.

قۇقىق قورعاۋشىلار كٷدٸكتٸنٸ كٶرگەن ادامدار بولسا 71-60-10, نەمەسە 8(7172) 71-60-07, 71-60-29, 71-60-22, 71-63-29, 87018808070, 87789508176 نٶمٸرلەرٸنە حابارلاسۋدى سۇرايدى.

قاشىپ جٷرگەن ەر ادامنىڭ بويى 175-180 سم شاماسىندا. شاشى قارا, قىسقا قيىلعان. كٶزٸ قارا. قارا كٷرتەشە كيگەن. ٷستٸنە «Italiy» جازۋى بار «تولستوۆكا» بار. باسىنا قارا تٷستٸ سپورتتىق باس كيٸم, بۇتىنا قاراكٶك تريكو, اياعىنا قارا تۋفلي كيگەن.