Aqtóbe oblysynda jer telimderin tómen baǵamen alyp beremin dep turǵyndardy aldaǵan kúdikti ustaldy. Aldyn ala málimet boiynsha, onyń áreketinen kelgen shyǵyn kólemi 5 million teńgeden asqan, dep habarlaidy ult.kz.
Oblystyq politsiia departamentiniń habarlaýynsha, politsiiaǵa Mártók aýdanynyń turǵyny aryzdanǵan. Onyń aitýynsha, kúdikti oblys ortalyǵynan tiimdi baǵamen jer telimin rásimdep berýge ýáde etip, aqsha alǵan.
Jedel-izdestirý sharalary barysynda tártip saqshylary 37 jastaǵy er adamdy anyqtap, politsiia bólimine jetkizdi.
Tekserý kezinde kúdiktiniń óz atynda jer telimderi bolmaǵany jáne olardy satýǵa eshqandai quqyǵy joq ekeni belgili boldy. Soǵan qaramastan ol azamattardyń senimine kirip, qoljetimdi baǵamen jer satatynyn aityp, aqsha alǵan. Keiin ýádesin oryndamaǵan.
Qazirgi ýaqytta kúdiktiniń osyǵan uqsas taǵy úsh alaiaqtyq deregine qatysy bolýy múmkin ekeni anyqtaldy. Keltirilgen jalpy materialdyq shyǵyn kólemi 5 million teńgeden asady.
Atalǵan fakti boiynsha "Alaiaqtyq" baby boiynsha sotqa deiingi tergeý júrgizilýde. Politseiler onyń basqa da osyǵan uqsas qylmystarǵa qatysy bar-joǵyn tekserip jatyr.
