اقتٶبە وبلىسىندا جەر تەلٸمدەرٸن تٶمەن باعامەن الىپ بەرەمٸن دەپ تۇرعىنداردى الداعان كٷدٸكتٸ ۇستالدى. الدىن الا مەلٸمەت بويىنشا, ونىڭ ەرەكەتٸنەن كەلگەن شىعىن كٶلەمٸ 5 ميلليون تەڭگەدەن اسقان, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ حابارلاۋىنشا, پوليتسيياعا مەرتٶك اۋدانىنىڭ تۇرعىنى ارىزدانعان. ونىڭ ايتۋىنشا, كٷدٸكتٸ وبلىس ورتالىعىنان تيٸمدٸ باعامەن جەر تەلٸمٸن رەسٸمدەپ بەرۋگە ۋەدە ەتٸپ, اقشا العان.
جەدەل-ٸزدەستٸرۋ شارالارى بارىسىندا تەرتٸپ ساقشىلارى 37 جاستاعى ەر ادامدى انىقتاپ, پوليتسييا بٶلٸمٸنە جەتكٸزدٸ.
تەكسەرۋ كەزٸندە كٷدٸكتٸنٸڭ ٶز اتىندا جەر تەلٸمدەرٸ بولماعانى جەنە ولاردى ساتۋعا ەشقانداي قۇقىعى جوق ەكەنٸ بەلگٸلٸ بولدى. سوعان قاراماستان ول ازاماتتاردىڭ سەنٸمٸنە كٸرٸپ, قولجەتٸمدٸ باعامەن جەر ساتاتىنىن ايتىپ, اقشا العان. كەيٸن ۋەدەسٸن ورىنداماعان.
قازٸرگٸ ۋاقىتتا كٷدٸكتٸنٸڭ وسىعان ۇقساس تاعى ٷش الاياقتىق دەرەگٸنە قاتىسى بولۋى مٷمكٸن ەكەنٸ انىقتالدى. كەلتٸرٸلگەن جالپى ماتەريالدىق شىعىن كٶلەمٸ 5 ميلليون تەڭگەدەن اسادى.
اتالعان فاكتٸ بويىنشا "الاياقتىق" بابى بويىنشا سوتقا دەيٸنگٸ تەرگەۋ جٷرگٸزٸلۋدە. پوليتسەيلەر ونىڭ باسقا دا وسىعان ۇقساس قىلمىستارعا قاتىسى بار-جوعىن تەكسەرٸپ جاتىر.
