TikTok-ta «Zolotaia jenshina» laqap atymen tanylǵan 41 jastaǵy Láilo Qasymova Jambyl oblystyq psihikalyq densaýlyq ortalyǵyna jatqyzyldy. Onyń uly málimdeme jasady, dep habarlaidy ult.kz.
Baizaq aýdanynyń turǵyny áleýmettik jelide tikelei efirge jii shyǵyp, balaǵat sózder qoldanǵan. Politsiianyń málimetinshe, osy áreketi úshin ol birneshe ret ákimshilik jaýapkershilikke tartylǵan. Eskertý jasalǵanyna qaramastan, bloger bul áreketin jalǵastyra bergen. Sondai-aq tikelei efir kezinde kámeletke tolmaǵan balalaryna da til tigizgeni aityldy.
Osydan keiin jedel járdem qyzmetkerleri Láilo Qasymovany tekserip, ony em qabyldaý úshin Jambyl oblystyq psihikalyq densaýlyq ortalyǵyna jetkizgen.
Politsiia, qamqorshylyq organdary jáne basqa da quzyrly qyzmet ókilderi blogerdiń balalarynyń turmys jaǵdaiyn teksergen. Qazir balalar ákesimen birge turyp jatyr.
Alaida balalary anasynyń jaǵdaiyna alańdap otyr. Úlken uly áleýmettik jelidegi jazbasynda anasynyń tamaq ishpei, qatty aryqtap ketkenin jáne oǵan kóp dári berilip jatqanyn aitqan.
«Anam tamaq ishpei qoiǵan, qatty azyp ketken. Oǵan kóp dári berip jatqan kórinedi. Biz anamyz úshin alańdaimyz», – dedi ol.
Al bir videoda “Baýyrjan aǵa shyǵarshy, men endi TikTok túsirmeimin” dep otyrǵanyn estýge bolady.
