Kanadanyń Niý-Bransýik provintsiiasynyń depýtaty Bill Oliver parlament otyrysynda sóz sóilep turyp, kútpegen yńǵaisyz jaǵdaiǵa tap boldy, dep habarlaidy ult.kz.
Sóziniń bir tusynda ol jasandy intellekttiń mátindi qalai óńdeý kerektigi týraly qyzmettik nusqaýlyǵyn baiqamai daýystap oqyp jibergen. Naqtyraq aitqanda, qujatta «mátindi jai tizim retinde emes, parlamenttik baiandama stilinde jatyq etip quryńyz» degen eskertý bolǵan.
Bul jaǵdai saiasatkerdiń nemese onyń kómekshileriniń baiandama daiyndaý kezinde jasandy intellektini paidalanǵanyn, alaida daiyn mátindi tolyq teksermegenin ańǵartady.
Parlament otyrysy kezinde bul qatelikke eshkim nazar aýdarmaǵan. Alaida beinejazba áleýmettik jelilerde taraǵannan keiin oqiǵa keńinen talqylanyp, kópshilik depýtattyń kásibiligine kúmán keltirdi. Keibir qoldanýshylar onyń qyzmetten ketýin talap etip, mundai nemqurailylyq memlekettik qyzmetkerge jaraspaitynyn jazdy.
