كانادانىڭ نيۋ-برانسۋيك پروۆينتسيياسىنىڭ دەپۋتاتى بيلل وليۆەر پارلامەنت وتىرىسىندا سٶز سٶيلەپ تۇرىپ, كٷتپەگەن ىڭعايسىز جاعدايعا تاپ بولدى, دەپ حابارلايدى ult.kz.
سٶزٸنٸڭ بٸر تۇسىندا ول جاساندى ينتەللەكتتٸڭ مەتٸندٸ قالاي ٶڭدەۋ كەرەكتٸگٸ تۋرالى قىزمەتتٸك نۇسقاۋلىعىن بايقاماي داۋىستاپ وقىپ جٸبەرگەن. ناقتىراق ايتقاندا, قۇجاتتا «مەتٸندٸ جاي تٸزٸم رەتٸندە ەمەس, پارلامەنتتٸك بايانداما ستيلٸندە جاتىق ەتٸپ قۇرىڭىز» دەگەن ەسكەرتۋ بولعان.
بۇل جاعداي ساياساتكەردٸڭ نەمەسە ونىڭ كٶمەكشٸلەرٸنٸڭ بايانداما دايىنداۋ كەزٸندە جاساندى ينتەللەكتٸنٸ پايدالانعانىن, الايدا دايىن مەتٸندٸ تولىق تەكسەرمەگەنٸن اڭعارتادى.
پارلامەنت وتىرىسى كەزٸندە بۇل قاتەلٸككە ەشكٸم نازار اۋدارماعان. الايدا بەينەجازبا ەلەۋمەتتٸك جەلٸلەردە تاراعاننان كەيٸن وقيعا كەڭٸنەن تالقىلانىپ, كٶپشٸلٸك دەپۋتاتتىڭ كەسٸبيلٸگٸنە كٷمەن كەلتٸردٸ. كەيبٸر قولدانۋشىلار ونىڭ قىزمەتتەن كەتۋٸن تالاپ ەتٸپ, مۇنداي نەمقۇرايلىلىق مەملەكەتتٸك قىزمەتكەرگە جاراسپايتىنىن جازدى.
