© Sputnik / Aigiýzel Kadir
Qazaqstandyqtar kóp tutynatyn siyr eti bir jylda 8%-ǵa, al dástúrli jylqy eti birden 16% qymbattaǵan, dep habarlaidy Sputnik Qazaqstan.
Jas nemese tońazytylǵan et óndirisi 2022 jylǵy qańtar-qazanda 59,1 myń tonnany qurap, ótken jyldyń sáikes kezeńimen salystyrǵanda 8,1% ósti.
Anyqtama úshin: bir jyl buryn sektordaǵy ónim nebári 0,6% tómendegen.
Biylǵy qarasha aiynyń qorytyndysy boiynsha súiekti siyr eti 8%, súiekti jylqy eti 16,1% qymbattady. Súiekti shoshqa eti baǵasy bir jylda 13,4%, súiekti qoi eti 12,4% ósti.
Jyl basynan beri jylqy eti 15,2%, shoshqa eti men qoi eti 12,2%, siyr eti 8,4% qymbattady.
Osy jyldyń qarasha aiynda shoshqa eti aitarlyqtai qymbattady: 1,6%. Odan ári jylqy eti: 1%. Siyr men qoi eti niń baǵasy 0,4% kóterildi.
2022 jyldyń qarasha aiynyń qorytyndysy boiynsha súiekti jylqy etiniń kilosy 2999 teńgege, súiekti qoi etiniń kilosy 2673 teńgege, súiekti siyr etiniń kilosy 2421 teńgege, súiekti shoshqa etiniń kilosy 2077 teńgege jetti.
