© Sputnik / ايگيۋزەل كادير
قازاقستاندىقتار كٶپ تۇتىناتىن سيىر ەتٸ بٸر جىلدا 8%-عا, ال دەستٷرلٸ جىلقى ەتٸ بٸردەن 16% قىمباتتاعان, دەپ حابارلايدى Sputnik قازاقستان.
جاس نەمەسە توڭازىتىلعان ەت ٶندٸرٸسٸ 2022 جىلعى قاڭتار-قازاندا 59,1 مىڭ توننانى قۇراپ, ٶتكەن جىلدىڭ سەيكەس كەزەڭٸمەن سالىستىرعاندا 8,1% ٶستٸ.
انىقتاما ٷشٸن: بٸر جىل بۇرىن سەكتورداعى ٶنٸم نەبەرٸ 0,6% تٶمەندەگەن.
بيىلعى قاراشا ايىنىڭ قورىتىندىسى بويىنشا سٷيەكتٸ سيىر ەتٸ 8%, سٷيەكتٸ جىلقى ەتٸ 16,1% قىمباتتادى. سٷيەكتٸ شوشقا ەتٸ باعاسى بٸر جىلدا 13,4%, سٷيەكتٸ قوي ەتٸ 12,4% ٶستٸ.
جىل باسىنان بەرٸ جىلقى ەتٸ 15,2%, شوشقا ەتٸ مەن قوي ەتٸ 12,2%, سيىر ەتٸ 8,4% قىمباتتادى.
وسى جىلدىڭ قاراشا ايىندا شوشقا ەتٸ ايتارلىقتاي قىمباتتادى: 1,6%. ودان ەرٸ جىلقى ەتٸ: 1%. سيىر مەن قوي ەتٸ نٸڭ باعاسى 0,4% كٶتەرٸلدٸ.
2022 جىلدىڭ قاراشا ايىنىڭ قورىتىندىسى بويىنشا سٷيەكتٸ جىلقى ەتٸنٸڭ كيلوسى 2999 تەڭگەگە, سٷيەكتٸ قوي ەتٸنٸڭ كيلوسى 2673 تەڭگەگە, سٷيەكتٸ سيىر ەتٸنٸڭ كيلوسى 2421 تەڭگەگە, سٷيەكتٸ شوشقا ەتٸنٸڭ كيلوسى 2077 تەڭگەگە جەتتٸ.
