Jyl saiyn 12 myńǵa jýyq qazaqstandyq Reseige oqýǵa túsedi, - dedi "Rossotrýdnichestvo" jetekshisiniń orynbasary Pavel Shevtsov.
Ol Sputnik Qazaqstan agenttigine bergen suqbatynda Qazaqstan men Resei arasyndaǵy bilim salasy men gýmanitarlyq bailanys jaily aitqan.
"Rossotrýdnichestvo" 450 orynǵa kvota usynady. Osy orynǵa 3 myńǵa jýyq adam ótinish tapsyrdy. Bul qazaqstandyqtar arasynda Reseidiń joǵary oqý oryndaryna qyzyǵýshylyq bar ekenin kórsetedi",- dedi Pavel Shevtsov.
Aita ketsek, búgin elordada orys tili men ádebieti oqytýshylary qaýymdastyǵynyń XIV halyqaralyq kongresi bastaldy. Jiynda "Kóptildi álemdegi orys tili" máselesi talqylanatyn bolady.
"Kongresti Nur-Sultan qalasynda ótkizý sheshimi qabyldandy. Bul Qazaqstannyń halyqtar arasyndaǵy beibitshilik pen tatýlyqty saqtaý ustanymyn qoldaýdy bildiredi. Qazaqstandyqtar qazaq jáne orys tilderinde erkin sóileidi",- dedi "Rossotrýdnichestvo" ókili.
Pavel Shevtsovtyń aitýynsha, Qazaqstanda rýsistikanyń erekshe mektebi qalyptasqan. Eleonora Súleimenova, Galina Vlasova, Sholpan Jarqynbekova, Nursulý Sháimerdenova, Tamara Kotliarova, Evgeniia Jýravleva, Tatiana Krivoshapova syndy filologtar barsha álemge tanylǵan.
Orys tili men ádebieti oqytýshylary qaýymdastyǵynyń alǵashqy kongresi osydan 50 jyl buryn ótken. Forým buǵan deiin birneshe elde uiymdastyryldy.
