جىل سايىن 12 مىڭعا جۋىق قازاقستاندىق رەسەيگە وقۋعا تٷسەدٸ, - دەدٸ "روسسوترۋدنيچەستۆو" جەتەكشٸسٸنٸڭ ورىنباسارى پاۆەل شەۆتسوۆ.
ول Sputnik قازاقستان اگەنتتٸگٸنە بەرگەن سۇقباتىندا قازاقستان مەن رەسەي اراسىنداعى بٸلٸم سالاسى مەن گۋمانيتارلىق بايلانىس جايلى ايتقان.
"روسسوترۋدنيچەستۆو" 450 ورىنعا كۆوتا ۇسىنادى. وسى ورىنعا 3 مىڭعا جۋىق ادام ٶتٸنٸش تاپسىردى. بۇل قازاقستاندىقتار اراسىندا رەسەيدٸڭ جوعارى وقۋ ورىندارىنا قىزىعۋشىلىق بار ەكەنٸن كٶرسەتەدٸ",- دەدٸ پاۆەل شەۆتسوۆ.
ايتا كەتسەك, بٷگٸن ەلوردادا ورىس تٸلٸ مەن ەدەبيەتٸ وقىتۋشىلارى قاۋىمداستىعىنىڭ XIV حالىقارالىق كونگرەسٸ باستالدى. جيىندا "كٶپتٸلدٸ ەلەمدەگٸ ورىس تٸلٸ" مەسەلەسٸ تالقىلاناتىن بولادى.
"كونگرەستٸ نۇر-سۇلتان قالاسىندا ٶتكٸزۋ شەشٸمٸ قابىلداندى. بۇل قازاقستاننىڭ حالىقتار اراسىنداعى بەيبٸتشٸلٸك پەن تاتۋلىقتى ساقتاۋ ۇستانىمىن قولداۋدى بٸلدٸرەدٸ. قازاقستاندىقتار قازاق جەنە ورىس تٸلدەرٸندە ەركٸن سٶيلەيدٸ",- دەدٸ "روسسوترۋدنيچەستۆو" ٶكٸلٸ.
پاۆەل شەۆتسوۆتىڭ ايتۋىنشا, قازاقستاندا رۋسيستيكانىڭ ەرەكشە مەكتەبٸ قالىپتاسقان. ەلەونورا سٷلەيمەنوۆا, گالينا ۆلاسوۆا, شولپان جارقىنبەكوۆا, نۇرسۇلۋ شەيمەردەنوۆا, تامارا كوتلياروۆا, ەۆگەنييا جۋراۆلەۆا, تاتيانا كريۆوششاپوۆا سىندى فيلولوگتار بارشا ەلەمگە تانىلعان.
ورىس تٸلٸ مەن ەدەبيەتٸ وقىتۋشىلارى قاۋىمداستىعىنىڭ العاشقى كونگرەسٸ وسىدان 50 جىل بۇرىن ٶتكەن. فورۋم بۇعان دەيٸن بٸرنەشە ەلدە ۇيىمداستىرىلدى.
