Jyl basynan Ulttyq qorǵa túsimder 4,5 paiyzǵa artty. Bul týraly búgin Úkimet otyrysynda QR Ulttyq bankiniń tóraǵasy Ǵalymjan Pirmatov aitty, dep habarlaidy QazAqparat.
«Aqpanda jalpy halyqaralyq rezervter 87,5 mlrd dollarǵa deiin 161 mln dollarǵa ósti. Onyń ishinde altyn-valiýta rezervteri altyn baǵasynyń ósýine bailanysty 33,5 mlrd dollarǵa deiin 132 mln dollarǵa ulǵaidy. Ulttyq qordyń aktivteri aqpanda 53,9 mlrd dollar boldy. Aqpan aiynda biýdjetke transfertter bólýdi qamtamasyz etý úshin 510 mln dollar satyldy», - dedi ol.
Onyń atap ótýinshe, Ulttyq qorǵa jalpy túsimder osy jyldyń basynan bastap 925 mlrd teńge boldy. Bul ótken jyldyń uqsas kórsetkishinen 4,5 ese joǵary.
«Biryńǵai jinaqtaýshy zeinetaqy qorynyń zeinetaqy aktivteri jyl basynan bastap 533,5 mlrd teńgege nemese 4,1 paiyzǵa ulǵaiyp, 13,6 trln teńgeni qurady. Osy jyldyń basynan bastap eseptelgen investitsiialyq kiristiń mólsheri shamamen 534,2 mlrd teńgeni qurap otyr. Osy jyldyń 2 aiynyń qorytyndysy boiynsha infliatsiia 1,5 paiyz bolsa, kiristilik 4, al naqty kiristilik 2,5 paiyz boldy», - dedi Ǵalymjan Pirmatov.
