جىل باسىنان ۇلتتىق قورعا تٷسٸمدەر 4,5 پايىزعا ارتتى. بۇل تۋرالى بٷگٸن ٷكٸمەت وتىرىسىندا قر ۇلتتىق بانكٸنٸڭ تٶراعاسى عالىمجان پٸرماتوۆ ايتتى, دەپ حابارلايدى قازاقپارات.
«اقپاندا جالپى حالىقارالىق رەزەرۆتەر 87,5 ملرد دوللارعا دەيٸن 161 ملن دوللارعا ٶستٸ. ونىڭ ٸشٸندە التىن-ۆاليۋتا رەزەرۆتەرٸ التىن باعاسىنىڭ ٶسۋٸنە بايلانىستى 33,5 ملرد دوللارعا دەيٸن 132 ملن دوللارعا ۇلعايدى. ۇلتتىق قوردىڭ اكتيۆتەرٸ اقپاندا 53,9 ملرد دوللار بولدى. اقپان ايىندا بيۋدجەتكە ترانسفەرتتەر بٶلۋدٸ قامتاماسىز ەتۋ ٷشٸن 510 ملن دوللار ساتىلدى», - دەدٸ ول.
ونىڭ اتاپ ٶتۋٸنشە, ۇلتتىق قورعا جالپى تٷسٸمدەر وسى جىلدىڭ باسىنان باستاپ 925 ملرد تەڭگە بولدى. بۇل ٶتكەن جىلدىڭ ۇقساس كٶرسەتكٸشٸنەن 4,5 ەسە جوعارى.
«بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸ جىل باسىنان باستاپ 533,5 ملرد تەڭگەگە نەمەسە 4,1 پايىزعا ۇلعايىپ, 13,6 ترلن تەڭگەنٸ قۇرادى. وسى جىلدىڭ باسىنان باستاپ ەسەپتەلگەن ينۆەستيتسييالىق كٸرٸستٸڭ مٶلشەرٸ شامامەن 534,2 ملرد تەڭگەنٸ قۇراپ وتىر. وسى جىلدىڭ 2 ايىنىڭ قورىتىندىسى بويىنشا ينفلياتسييا 1,5 پايىز بولسا, كٸرٸستٸلٸك 4, ال ناقتى كٸرٸستٸلٸك 2,5 پايىز بولدى», - دەدٸ عالىمجان پٸرماتوۆ.
