Osy jyldyń basynan beri elordaǵa ýaqytsha turýǵa 19 myńnan astam sheteldik azamat keldi. Bul týraly Nur-Sultan qalalyq politsiia departamenti Kóshi-qon qyzmeti basqarmasynyń bastyǵy Arman Baimuhambet aitty, dep habarlaidy QazAqparat.
«Elimizge 30 táýlikten kóp ýaqytqa kelgen sheteldikterge ýaqytsha turýǵa ruqsat rásimdeledi. Jyl basynan beri mundai 19 myńnan astam ruqsat rásimdeldi», - dedi Arman Baimuhambet.
Onyń atap ótýinshe, elimizge kelgen sheteldikterdi qabyldaýshy tarap, iaǵni qonaq úiler, jalǵa beriletin páterler, oqý oryndary, emdelý mekemeleri, jeke tulǵalar úsh kúnniń ishinde ózge eldiń azamatynyń kelgeni týraly kóshi-qon qyzmetine habar berýi tiis. Bul talap buzylǵan jaǵdaida qabyldaýshy tarap ákimshilik jaýapkershilikke tartylady.
«Eger sheteldik elge kelý merzimin 10 kúnnen astam ýaqytqa buzsa, onda ákimshilik hattama 25 ailyq eseptik kórsetkish mólsherinde aiyppul sheshimimen sotqa jiberiledi nemese Qazaqstan aýmaǵynan shyǵarylady», - dep túsindirdi basqarma basshysy.
