18 qazanda Qazaqstannyń soltústiginde, shyǵysynda jáne ortalyǵynda jańbyr men qar jaýyp, kóktaiǵaq bolady. Qiyr batysta jańbyr jaýyp, kúndiz naizaǵai oinaidy. Birqatar óńirde jel kúsheiip, túnde jáne tańerteń tuman túsedi, dep habarlaidy ult.kz.
Astanada jaýyn-shashyn kútilmeidi, túnde jáne tańerteń tuman túsedi. Aýa temperatýrasy túnde 0…+2°C, kúndiz +10…+12°C bolady. Almatyda jaýyn-shashynsyz, túnde +2…+4°C, kúndiz +15…+17°C kútiledi. Shymkentte de jaýyn-shashyn bolmaidy, túnde jáne tańerteń tuman túsedi. Túngi temperatýra +6…+8°C, kúndiz +20…+22°C bolady.
Qostanai oblysynda jaýyn-shashynsyz aýa raiy boljanady: túnde −1…−6°C, ońtústiginde +2°C, kúndiz +15…+20°C bolady. Qaraǵandy oblysynyń soltústigi men shyǵysynda túnde jańbyr men qar, kúndiz jańbyr kútiledi. Óńirde kúndiz +10…+15°C bolyp, jeldiń ekpini 15–20 m/s-qa jetedi. Atyraý oblysynyń birqatar aýdanynda shańdy daýyl kóterilip, jel 15–20 m/s-qa deiin kúsheiedi.
Jetisý oblysynda jáne Almaty oblysynyń soltústigi men batysynda túnde 1–7 gradýs úsik júredi. Túrkistan oblysynyń soltústiginde, Jambyl oblysynyń shyǵysynda, sondai-aq Qyzylorda oblysynyń soltústiginde topyraq betinde 1–2 gradýs úsik kútiledi.
