وسى جىلدىڭ باسىنان بەرٸ ەلورداعا ۋاقىتشا تۇرۋعا 19 مىڭنان استام شەتەلدٸك ازامات كەلدٸ. بۇل تۋرالى نۇر-سۇلتان قالالىق پوليتسييا دەپارتامەنتٸ كٶشٸ-قون قىزمەتٸ باسقارماسىنىڭ باستىعى ارمان بايمۇحامبەت ايتتى, دەپ حابارلايدى قازاقپارات.
«ەلٸمٸزگە 30 تەۋلٸكتەن كٶپ ۋاقىتقا كەلگەن شەتەلدٸكتەرگە ۋاقىتشا تۇرۋعا رۇقسات رەسٸمدەلەدٸ. جىل باسىنان بەرٸ مۇنداي 19 مىڭنان استام رۇقسات رەسٸمدەلدٸ», - دەدٸ ارمان بايمۇحامبەت.
ونىڭ اتاپ ٶتۋٸنشە, ەلٸمٸزگە كەلگەن شەتەلدٸكتەردٸ قابىلداۋشى تاراپ, ياعني قوناق ٷيلەر, جالعا بەرٸلەتٸن پەتەرلەر, وقۋ ورىندارى, ەمدەلۋ مەكەمەلەرٸ, جەكە تۇلعالار ٷش كٷننٸڭ ٸشٸندە ٶزگە ەلدٸڭ ازاماتىنىڭ كەلگەنٸ تۋرالى كٶشٸ-قون قىزمەتٸنە حابار بەرۋٸ تيٸس. بۇل تالاپ بۇزىلعان جاعدايدا قابىلداۋشى تاراپ ەكٸمشٸلٸك جاۋاپكەرشٸلٸككە تارتىلادى.
«ەگەر شەتەلدٸك ەلگە كەلۋ مەرزٸمٸن 10 كٷننەن استام ۋاقىتقا بۇزسا, وندا ەكٸمشٸلٸك حاتتاما 25 ايلىق ەسەپتٸك كٶرسەتكٸش مٶلشەرٸندە ايىپپۇل شەشٸمٸمەن سوتقا جٸبەرٸلەدٸ نەمەسە قازاقستان اۋماعىنان شىعارىلادى», - دەپ تٷسٸندٸردٸ باسقارما باسشىسى.
