Oppozitsiialyq Jalpyulttyq sotsial-demokratiialyq partiiasynan (OSDP) prezidenttikke úmitker Nurlan Áýesbaev Astanada baspasóz máslihatyn ótkize almady, - dep habarlaidy "Ult aqparat".
Partiia Facebook jelisindegi paraqshasynda BAQ ókilderiniń qatysýymen baspasóz máslihaty josparlanǵany, biraq ony ótkizý múmkin bolmaǵany týraly jazdy.
"Búgin saǵat 11:00-de «Marden» biznes-ortalyǵynda BAQ ókilderiniń qatysýymen baspasóz konferentsiiasyn ótkizýdi josparlanǵan edik. Onda biz úgit-nasihat jumysyna deiingi aralyq nátijelermen bólisýdi josparladyq.
Biraq is-shara bastalar aldynda bizge biznes-ortalyqta avariialyq jumystar júrgizilip jatqanyn aityp, konferents-zalǵa kirgizbei qoidy. Alaida ortalyqtyń basqa jalǵa alýshylary qalypty jaǵdaida jumysyn istep jatyr. Apattyń saldaryn joiý olardyń jumysyna kedergi keltirmedi.
JSDP partiiasy muny bizdiń kandidatqa qysym jasaý áreketi dep baǵalaidy. Biz - sailaýǵa qatysyp jatqan jalǵyz oppozitsiialyq partiiamyz! Árine, bul biliktegi kóptegen adamǵa unamaidy. Alaida biz maqsatymyzdan bas tartpaimyz! Búgin Facebook jáne Instagram paraqshalarynda saǵat 12:30-de tikelei efirge shyǵyp, onlain-brifing ótkizemiz. Onda bizdiń úgit-nasihatqa deiingi jumysymyz qalai júrgiziletini týraly aityp beretin bolamyz", - dep jazylǵan habarlamada.
