وپپوزيتسييالىق جالپىۇلتتىق سوتسيال-دەموكراتييالىق پارتيياسىنان (وسدپ) پرەزيدەنتتٸككە ٷمٸتكەر نۇرلان ەۋەسباەۆ استانادا باسپاسٶز مەسليحاتىن ٶتكٸزە المادى, - دەپ حابارلايدى "ۇلت اقپارات".
پارتييا Facebook جەلٸسٸندەگٸ پاراقشاسىندا باق ٶكٸلدەرٸنٸڭ قاتىسۋىمەن باسپاسٶز مەسليحاتى جوسپارلانعانى, بٸراق ونى ٶتكٸزۋ مٷمكٸن بولماعانى تۋرالى جازدى.
"بٷگٸن ساعات 11:00-دە «ماردەن» بيزنەس-ورتالىعىندا باق ٶكٸلدەرٸنٸڭ قاتىسۋىمەن باسپاسٶز كونفەرەنتسيياسىن ٶتكٸزۋدٸ جوسپارلانعان ەدٸك. وندا بٸز ٷگٸت-ناسيحات جۇمىسىنا دەيٸنگٸ ارالىق نەتيجەلەرمەن بٶلٸسۋدٸ جوسپارلادىق.
بٸراق ٸس-شارا باستالار الدىندا بٸزگە بيزنەس-ورتالىقتا اۆارييالىق جۇمىستار جٷرگٸزٸلٸپ جاتقانىن ايتىپ, كونفەرەنتس-زالعا كٸرگٸزبەي قويدى. الايدا ورتالىقتىڭ باسقا جالعا الۋشىلارى قالىپتى جاعدايدا جۇمىسىن ٸستەپ جاتىر. اپاتتىڭ سالدارىن جويۋ ولاردىڭ جۇمىسىنا كەدەرگٸ كەلتٸرمەدٸ.
جسدپ پارتيياسى مۇنى بٸزدٸڭ كانديداتقا قىسىم جاساۋ ەرەكەتٸ دەپ باعالايدى. بٸز - سايلاۋعا قاتىسىپ جاتقان جالعىز وپپوزيتسييالىق پارتييامىز! ەرينە, بۇل بيلٸكتەگٸ كٶپتەگەن ادامعا ۇنامايدى. الايدا بٸز ماقساتىمىزدان باس تارتپايمىز! بٷگٸن Facebook جەنە Instagram پاراقشالارىندا ساعات 12:30-دە تٸكەلەي ەفيرگە شىعىپ, ونلاين-بريفينگ ٶتكٸزەمٸز. وندا بٸزدٸڭ ٷگٸت-ناسيحاتقا دەيٸنگٸ جۇمىسىمىز قالاي جٷرگٸزٸلەتٸنٸ تۋرالى ايتىپ بەرەتٸن بولامىز", - دەپ جازىلعان حابارلامادا.
