قازاقستاندىق قوعامدىق دامۋ ينستيتۋتى (ققدي) قوعامدىق دامۋدىڭ ٶزەكتٸ مەسەلەلەرٸن كەسٸبي تالداپ, كٶپشٸلٸككە تٷسٸنٸكتٸ تٸلمەن جەتكٸزە الاتىن جاڭا بۋىن ساراپشىلارىن دايارلاۋعا باعىتتالعان «Sarapshy» مەدياجوباسىن ٸسكە قوستى, دەپ حابارلايدى ult.kz.
قر مەدەنيەت جەنە اقپارات مينيسترلٸگٸنٸڭ قولداۋىمەن جٷزەگە اسىپ جاتقان جوبا مەدەنيەت, قوعامداعى مٸنەز-قۇلىق جەنە ەدەپ مەسەلەلەرٸن قامتيدى.
پرەزيدەنت قاسىم-جومارت توقاەۆ قوعامدا جاڭا ەدەپ قاعيدالارىن قالىپتاستىرۋدىڭ ماڭىزىن بٸرنەشە رەت اتاپ ٶتكەن. مەملەكەت باسشىسى سوڭعى جولداۋىندا: «ەلٸمٸز ورنىقتى دامۋى ٷشٸن قوعامدا جاڭا ەتيكا ورنىعۋى قاجەت. «ادال ازامات» يدەولوگيياسى ٶمٸرٸمٸزدٸڭ اجىراماس بٶلٸگٸنە اينالۋى كەرەك», – دەگەن بولاتىن.
جوباعا 140-تان استام ٶتٸنٸم تٷسٸپ, كونكۋرستىق ٸرٸكتەۋ نەتيجەسٸندە 25 قاتىسۋشى تاڭدالدى. ولاردىڭ قاتارىندا قوعامدىق دامۋ, ەلەۋمەتتٸك قاتىناستار, مەدەنيەت جەنە كوممۋنيكاتسييا سالالارىندا تەجٸريبەسٸ بار زەرتتەۋشٸلەر, تالداۋشىلار مەن پراكتيك ماماندار بار.
31 قازان مەن 14 قاراشا ارالىعىندا قاتىسۋشىلار بٸلٸكتٸ ساراپشىلاردان دەرٸس الىپ, تەجٸريبەلٸك ساباقتارعا قاتىسادى. وقۋ باعدارلاماسى ساراپشىلىق كەسٸبيلٸكتٸ ارتتىرۋعا, باق-پەن تيٸمدٸ بايلانىس ورناتۋعا جەنە كٶپشٸلٸك الدىندا سٶيلەۋ داعدىلارىن دامىتۋعا باعىتتالعان.
سونداي-اق قاتىسۋشىلار ٶز پٸكٸرٸن ناقتى دەرەكتەرمەن نەگٸزدەپ, كٷردەلٸ قوعامدىق مەسەلەلەردٸ كٶپشٸلٸككە تٷسٸنٸكتٸ تٸلدە جەتكٸزۋدٸ ٷيرەنەدٸ.
