Foto: ashyq derekkóz
Úkimet basshysynyń orynbasary Qanat Bozymbaev Ulytaý oblysy Jomart shahtasyndaǵy apatqa qatysty sońǵy málimetti bólisti, dep habarlaidy Ult.kz.
"Oqiǵa saldarynan 7 adam qaza tapty, 402 adam evakýatsiialandy. Apat ornynda tótenshe jaǵdailar jedel shtaby qurylyp, keshe úkimettik komissiia tergep-tekserý jumysyn bastady, aldyn ala boljam boiynsha shahtada tabiǵi gaz jarylǵan. Komissiia múshelerimen birlesip apat ornyn qarap shyqtym jáne qaza tapqan jumysshylardyń otbasy múshelerimen kezdestik", — dedi Qanat Bozymbaev Úkimet otyrysynda.
Onyń aitýynsha, shahtadaǵy apatqa qatysty sotqa deiingi tergeý amaldary bastaldy. Sondai-aq shahta jumysy ýaqytsha toqtatyldy.
"Eki arnaiy kishi komissiia quryldy, onyń biri avariianyń týyndaý sebebin, ekinshisi qandai tehnikalyq qaýipsizdik talaptarynyń buzylǵanyn anyqtaýy tiis. Atalǵan komissiialar óz jumystaryn 10 kúnniń ishinde aiaqtaýy qajet. Sonymen birge tiisti saraptamalar júrgizý josparlanýda (sot meditsinalyq, órt-jarylys tehnikalyq). Memleket basshysynyń tapsyrmasy boiynsha qaza tapqandardyń otbasylaryna qajetti qoldaý sharalary kórsetilip jatyr", — dedi ol.
Tergeý nátijesi komissiia jumysy aiaqtalǵan soń usynylady.
Eske sala ketsek, 17 aqpanda Ulytaý oblysyndaǵy shahtada apat bolyp, 7 adam qaza tapty.
