Almatyda sot Jomart Ertaevty 11 jylǵa bas bostandyǵynan aiyrdy, dep habarlaidy "Ult aqparat".
Sot úkimimen Jomart Ertaev 11 jyl bas bostandyǵynan aiyryldy, ol jazasyn ortasha qaýipsizdiktegi qylmystyq-atqarý júiesi mekemesinde óteidi.
Buǵan deiin memlekettik aiyptaýshy Ertaev kinásin moiyndaǵanyn, qylmystyq isti tergeýge kómekteskenin, zalaldy ishinara ótegenin, sondai-aq kámeletke tolmaǵan balalary baryn eskergen bolatyn.
Esterińizge sala keteiik, Jomart Ertaev ótken jyldyń mamyrynda Máskeýde QR IIM Interpoldyń Ulttyq ortalyq biýrosynyń ótinishi boiynsha ustalǵan. QR IIM málimetinshe, Ertaev asa iri kólemdegi alaiaqtyǵy úshin halyqaralyq izdeýde bolǵan.
Osy is boiynsha 37 adam sot aldyna keldi. Prokýror olardyń 36-syn kináli dep tanýdy surady. Sottalýshylardyń biri qaitys boldy.
Bank RBK-dan 144 milliard teńge jymqyrý isine qatysty sot ótken jyldyń aiaǵynda bastalǵan bolatyn. Tergeý derekterine súiensek, qylmys 2011-2017 jyldar aralyǵynda jasalǵan. Qylmystyq is 46 epizod jáne 700 tomnan turady. Aiyptaý aktisinde 3600-dan asa paraqsha bar.
