Elbasy qazandaǵy Joldaýynda eń damyǵan 30 eldiń qataryna kirý jolyndaǵy elimizdiń 10 negizgi mindetin belgilep berdi. Joldaýda aitylǵan máselelerdiń mańyzy óte zor.
Birinshiden, Úkimetke 2019 jyldyń 1 qańtarynan bastap eń tómengi jalaqyny 1,5 ese, iaǵni 28 myńnan 42 myńǵa deiin ósirýdi tapsyrdy, bul barlyq sala boiynsha túrli menshik nysandaryndaǵy kásiporyndarda jumys isteitin 1 million 300 myń adamnyń eńbekaqysyn tikelei qamtidy.
Ekinshiden, biznesti órkendetýdiń turaqty kózderin qalyptastyryp, jeke investitsiiany yntalandyrý jáne naryq erkindigin qoldaý kórsetý, osy biznes arqyly jańa jumys oryndary ashylyp, halyqtyń basym bóligi tabyspen qamtamasyz etiletin bolatynnyn jetkizdi.
Sondai-aq, Elbasy 2010 jyldan bastap «Biznestiń jol kartasy – 2020» baǵdarlamasy óz jumysyn jasap kele jatyrǵandyǵyn, munyń tiimdiligine jetkize kelip, baǵdarlamanyń qoldanylý merzimin 2025 jylǵa deiin uzartý tapsyrdy.
Úshinshiden, biznes salasyndaǵy zańsyz qysymǵa nazar aýdaryp, qylmystyq qýdalaý qaýpinen qorǵaýdy arttyra túsý kerektigin tilge tiek etti.
Búginge deiin álemniń kóptegen eli salyqtyq amnistiia júrgizgen. Bul tájiribe ár elde túrli kezeńde qolǵa alǵan. Amnistiianyń nátijesi ekonomikaǵa, salyqtyq bazaǵa jalpy alǵanda biýdjet qarjysyn toltyrýǵa paidasy bar dep baǵalanady. Táýelsizdik jyldary Qazaqstan da birneshe ret aktivter men kapitaldarǵa amnistiia júrgizildi, biraq salyqtyq amnistiia bolmaǵan.
Endi mine, sarapshylar talaidan beri aityp júrgen qajetti sharany QR Prezidenti Nursultan Nazarbaev óziniń Qazaqstan halqyna Joldaýynda júzege asyrdy. 2019 jyldan bastap shaǵyn jáne orta biznes úshin salyqtyq amnistiia júrgiziledi.
«Salyq jáne keden salasyndaǵy aqparattyq júieler integratsiiasynyń aiaqtalýy ákimshilendirýdiń ashyqtyǵyn arttyrady. Biznes óz jumysyn jańadan bastaý úshin 2019 jyldyń 1 qańtarynan bastap salyqtyń negizgi somasy tólengen jaǵdaida, ósim men aiyppuldy alyp tastai otyryp, shaǵyn jáne orta biznes úshin «salyq amnistiiasyn» júrgizýge kirisýdi tapsyramyn. Bári biz oilaǵandai jaqsy emes. Birinshiden, shynaiy salyq tólep otyratyn biznes bar, ol erteń: anaǵan salyq salmady, al menen nege aldy demei me? Iaǵni bul jerde áńgime eger ol memleketke negizgi salyqty tólese, ósim men aiyppul jaily bolyp otyr», - dedi Memleket basshysy.
Bul shara bizneske serpin berýi kerek. Alaida, Elbasy aitqandai ol naqty talapqa arqa súieýi qajet. Sol sebepti, Úkimet úsh jyl ishinde ekonomikadaǵy kóleńkeli ainalymdy kem degende 40 paiyzǵa qysqartý úshin naqty sharalar qabyldaýǵa tiis. Buǵan qosa, Elbasy ekonomikalyq tergeý qyzmetin qaita uiymdastyrýdyń qajettiligine toqtaldy. «Qarjylyq monitoring komitetine qyzmetti tapsyryp, ekonomikalyq tergeý qyzmetin qaita uiymdastyrý qajet, Onyń negizgi mindeti kóleńkeli ekonomikaǵa qarsy kúres bolýy tiis. Aqshasyz ekonomikaǵa ótýimiz kerek. Qolma-qol aqsha bolǵan jerde para men zań buzýshylyq bolady, ekonomika kóleńkede qalyp qoiady, zeinetaqy qoryna da, áleýmettik qorǵa da salyq tólenbeidi», - dedi Nursultan Nazarbaev. Ári kásipkerlerdi qorǵaý shaqyrdy, qajet bolsa tipti bul týraly qylmystyq is qozǵaý qajettigin aitty.
Demek, otandyq biznesmender sharýasyn emin-erkin jasaidy. Memleket basshysynyń bul bastamasy kásipkerlerdi qýantqany anyq. Budan bylai salyq ústine qosylǵan aiyppul men ósim alynyp tastalady. Árine, bul jeńildik. Sebebi, 5 jyl burynǵy merzim úshin qosylatyn aiyppul, ósim keide qaryzdyń ózinen 2-3 ese kóp bolyp ketetin.
.jpeg)