Sýdialyq laýazymdarǵa kandidattardy irikteý kezinde qazaqstandyqtardyń pikiri eskeriletin bolady, dep habarlaidy "Ult aqparat" QR Joǵarǵy sot keńesine silteme jasap.
«Joǵarǵy sot keńesi qazaqstandyqtardy Joǵarǵy sot sýdialar laýazymdaryna kandidattar týraly pikir bildirýge shaqyrady. Bul kadrlardy irikteýdiń barynsha obektivtiligi men ashyqtyǵyn qamtamasyz etý maqsatynda júrgizilip otyr. Joǵarǵy sot keńesi qazirgi ýaqytta Joǵarǵy mot sýdialarynyń 2 bos laýazymdaryna konkýrs ótkizip jatyr», delingen habarlamada.
Irikteý barysynda úmitkerlerdiń kásibi jáne jeke qasietteri zerdelenip, olardyń qabiletteri men daǵdylary baǵalanady.
«Árbir úmitkerden Keńes músheleri suhbat alady, oǵan advokatýra, prokýratýra ókilderi, ózge de zań qaýymdastyǵynyń ókilderi, sondai-aq HR-mamandar qatysady. Sonymen qatar, árbir qazaqstandyq naqty úmitker týraly óz pikirin bildire otyryp, kandidattardy irikteý protsesine qatysa alady. Ol úshin v.sovet@vss.gov.kz Keńestiń elektrondyq poshtasyna tiisti hatty 13 tamyzdan keshiktirmei jiberý qajet», delingen habarlamada.
Joǵarǵy sot sýdialary laýazymdaryna ornalasýǵa arnalǵan konkýrsqa qatysatyn úmitkerler tizimi keńestiń saitynda berilgen.
