سۋديالىق لاۋازىمدارعا كانديداتتاردى ٸرٸكتەۋ كەزٸندە قازاقستاندىقتاردىڭ پٸكٸرٸ ەسكەرٸلەتٸن بولادى, دەپ حابارلايدى "ۇلت اقپارات" قر جوعارعى سوت كەڭەسٸنە سٸلتەمە جاساپ.
«جوعارعى سوت كەڭەسٸ قازاقستاندىقتاردى جوعارعى سوت سۋديالار لاۋازىمدارىنا كانديداتتار تۋرالى پٸكٸر بٸلدٸرۋگە شاقىرادى. بۇل كادرلاردى ٸرٸكتەۋدٸڭ بارىنشا وبەكتيۆتٸلٸگٸ مەن اشىقتىعىن قامتاماسىز ەتۋ ماقساتىندا جٷرگٸزٸلٸپ وتىر. جوعارعى سوت كەڭەسٸ قازٸرگٸ ۋاقىتتا جوعارعى موت سۋديالارىنىڭ 2 بوس لاۋازىمدارىنا كونكۋرس ٶتكٸزٸپ جاتىر», دەلٸنگەن حابارلامادا.
ٸرٸكتەۋ بارىسىندا ٷمٸتكەرلەردٸڭ كەسٸبي جەنە جەكە قاسيەتتەرٸ زەردەلەنٸپ, ولاردىڭ قابٸلەتتەرٸ مەن داعدىلارى باعالانادى.
«ەربٸر ٷمٸتكەردەن كەڭەس مٷشەلەرٸ سۇحبات الادى, وعان ادۆوكاتۋرا, پروكۋراتۋرا ٶكٸلدەرٸ, ٶزگە دە زاڭ قاۋىمداستىعىنىڭ ٶكٸلدەرٸ, سونداي-اق HR-ماماندار قاتىسادى. سونىمەن قاتار, ەربٸر قازاقستاندىق ناقتى ٷمٸتكەر تۋرالى ٶز پٸكٸرٸن بٸلدٸرە وتىرىپ, كانديداتتاردى ٸرٸكتەۋ پروتسەسٸنە قاتىسا الادى. ول ٷشٸن v.sovet@vss.gov.kz كەڭەستٸڭ ەلەكتروندىق پوشتاسىنا تيٸستٸ حاتتى 13 تامىزدان كەشٸكتٸرمەي جٸبەرۋ قاجەت», دەلٸنگەن حابارلامادا.
جوعارعى سوت سۋديالارى لاۋازىمدارىنا ورنالاسۋعا ارنالعان كونكۋرسقا قاتىساتىن ٷمٸتكەرلەر تٸزٸمٸ كەڭەستٸڭ سايتىندا بەرٸلگەن.
