29 قازاندا ەرلان قوشانوۆتىڭ تٶراعالىعىمەن قازاقستان حالىق كەڭەسٸ تٶرالقاسىنىڭ كەڭەيتٸلگەن وتىرىسى ٶتتٸ. جيىننىڭ نەگٸزگٸ تاقىرىبى – مەملەكەت باسشىسىنىڭ «جاڭا تاريحي كەزەڭدەگٸ قازاقستاننىڭ ٶزەكتٸ مٸندەتتەرٸ» اتتى قازاقستان حالقىنا جولداۋىندا ايتىلعان مٸندەتتەردٸ ٸسكە اسىرۋ, دەپ حابارلايدى ult.kz.
وتىرىستى اشقان ەرلان قوشانوۆ پرەزيدەنتتٸڭ حالىققا جولداۋى تەرەڭ مازمۇندى, تۇجىرىمدامالىق مەنٸ بار قۇجات ەكەنٸن اتاپ ٶتتٸ. وندا قازاقستاننىڭ بولاشاعى, جاڭا ەلەمدٸك تەرتٸپتەگٸ ورنى جەنە الداعى جىلدارداعى دامۋ باعىتى ايقىندالعان.
تٶراعانىڭ پٸكٸرٸنشە, بيىلعى جولداۋ ەل دامۋىنىڭ اۋقىمدى پايىمى مەن ستراتەگييالىق تەسٸلٸمەن ەرەكشەلەنەدٸ. مەملەكەت باسشىسى قازاقستاننىڭ الدىندا تۇرعان مٸندەتتەردٸ جاھاندىق ٶزگەرٸستەردٸ, جاڭا تەحنولوگييالىق بولمىستى جەنە ەلدٸڭ ودان ەرٸ دامۋىن ايقىندايتىن زاماناۋي سىن-قاتەرلەردٸ ەسكەرە وتىرىپ قاراستىرادى.
ول سونداي-اق مەملەكەت باسشىسىنىڭ باستامالارىن ٸسكە اسىرۋ قازاقستان حالىق كەڭەسٸ مٷشەلەرٸنٸڭ بەلسەندٸ قاتىسۋىن جەنە ناقتى نەتيجەلەر ٷشٸن جەكە جاۋاپكەرشٸلٸكتٸ تالاپ ەتەتٸنٸن اتاپ ٶتتٸ. سوندىقتان باسىم باعىتتاردى ايقىنداپ, جالپىۇلتتىق ماقساتتارعا قول جەتكٸزۋگە قوساتىن ٶز ٷلەسٸن ناقتى تٷسٸنۋ اسا ماڭىزدى.
ەل دامۋىنىڭ ۇزاق مەرزٸمدٸ باعدارلارىن قالىپتاستىرۋ ماقساتىمەن قازاقستاندىق قوعامدىق دامۋ ينستيتۋتىمەن بٸرلەسٸپ, جىل سايىنعى بايانداما دايىنداۋ جوسپارلانىپ وتىر. بۇل بايانداما ٶڭٸرلەردەن كەلٸپ تٷسكەن باستامالاردى جيناقتاۋعا, ازاماتتاردى تولعاندىراتىن ٶزەكتٸ مەسەلەلەردٸ ايقىنداۋعا جەنە ەلٸمٸزدٸڭ ستراتەگييالىق قۇجاتتارىن ەزٸرلەۋگە ارنالعان ۇسىنىستار قالىپتاستىرۋعا مٷمكٸندٸك بەرەدٸ.
بۇل جۇمىسقا وتاندىق جەتەكشٸ ساراپشىلار مەن عىلىمي قوعامداستىق ٶكٸلدەرٸ, سونىڭ ٸشٸندە ەركٸن ەبٸل, ايگٷل سەدۋاقاسوۆا, بوتاگٶز راكيشەۆا جەنە نايليا مۇحتاروۆا تارتىلادى.
قاتىسۋشىلار جاڭا ازاماتتىق كودەكستٸ ەزٸرلەۋ مەسەلەسٸنە دە ەرەكشە نازار اۋداردى. ەرلان قوشانوۆ قۇجاتتى دايىنداۋ جۇمىسىنا ازاماتتىق قوعامنىڭ كەڭٸنەن قاتىسۋى قاجەت ەكەنٸن اتاپ ٶتتٸ. ونىڭ ايتۋىنشا, جاڭا كودەكس زاماناۋي تالاپتارعا ساي بولىپ, حالىقتىڭ ەرتٷرلٸ ساناتتارىنىڭ مٷددەلەرٸن ەسكەرۋٸ تيٸس.
بۇل جۇمىسقا بەلگٸلٸ زاڭگەر عالىمدار يسيدور بورچاشۆيلي, مەدي مىرزاعاراەۆ جەنە اندرەي لۋكيندٸ دە تارتۋ ۇسىنىلدى.
حالىقتىڭ تسيفرلىق داعدىلارىن دامىتۋ مەسەلەسٸنە دە ەرەكشە نازار اۋدارىلدى. ازاماتتاردىڭ پراكتيكالىق تسيفرلىق داعدىلارىن قالىپتاستىرۋعا باعىتتالعان اۋقىمدى بٸلٸم بەرۋ جوباسىن ٸسكە قوسۋ ۇسىنىلدى. اۋىل تۇرعىندارىنا ماركەتپلەيستەر مەن ينتەرنەت-پلاتفورمالار ارقىلى تاۋار ساتۋدى ٷيرەتۋ, ال جاستارعا جەكە كەسٸپ اشۋ ٷشٸن تسيفرلىق قۇرالداردى پايدالانۋدى مەڭگەرتۋ جوسپارلانىپ وتىر.
ٶڭٸرلەردەگٸ جۇمىسقا دا باسىمدىق بەرٸلدٸ. جىل بويى قازاقستان حالىق كەڭەسٸ ەكٸمدٸكتەرمەن, قوعامدىق كەڭەستەرمەن جەنە ٷكٸمەتتٸك ەمەس ۇيىمدارمەن كەزدەسۋلەر ٶتكٸزۋدٸ جوسپارلاپ وتىر. كەزدەسۋلەردٸڭ نەگٸزگٸ ماقساتى – حالىقتى تولعاندىراتىن ٶزەكتٸ مەسەلەلەردٸ انىقتاۋ, ولاردى شەشۋ جولدارىن ٸزدەستٸرۋ جەنە حالىق كەڭەسٸنٸڭ كەلەسٸ سەسسيياسىنا ناقتى زاڭنامالىق ەرٸ پراكتيكالىق ۇسىنىستار ەزٸرلەۋ.
قازاقستان حالىق كەڭەسٸ مٷشەلەرٸنٸڭ جۇمىس تيٸمدٸلٸگٸن ارتتىرۋ جەنە باستامالاردىڭ ٸسكە اسىرىلۋىن باقىلاۋ ماقساتىندا حاتشىلىق بٸرىڭعاي تسيفرلىق پلاتفورما ەزٸرلەپ جاتىر. بۇل جٷيە قاجەتتٸ اقپاراتتى, قۇجاتتاردى قاراۋ بارىسىن جەنە ولاردىڭ اعىمداعى مەرتەبەسٸن جەدەل باقىلاۋعا مٷمكٸندٸك بەرەدٸ. پايدالانۋشىلارعا قولايلى بولۋ ٷشٸن ۇسىنىستار بەرۋدٸڭ بٸرىڭعاي نىسانى ەنگٸزٸلەدٸ. پلاتفورمانى ەزٸرلەۋ جۇمىسىنا باعدات مۋسين, ەدٸلحان قوپاباەۆ جەنە جاندوس اقتاەۆ تارتىلدى.
وتىرىس بارىسىندا قازاقستان حالىق كەڭەسٸنٸڭ مٷشەلەرٸ, قوعامدىق كەڭەستەر مەن قوعامدىق ۇيىمداردىڭ ٶكٸلدەرٸ دە سٶز سٶيلەپ, سالالىق جوبالاردى ٸسكە اسىرۋ بويىنشا ٶز ۇسىنىستارىن ورتاعا سالدى.
قازاقستان حالىق كەڭەسٸنٸڭ مٷشەلەرٸ نۇرتاي سابيليانوۆ پەن ۆەرا كيم ٶڭٸرلەردە «حالىقتىق قۇرىلىس» باعدارلاماسىن ٸسكە اسىرۋعا قاتىستى ۇسىنىستارىن ايتتى. ولار جول قۇرىلىسى, تسيفرلاندىرۋ مەسەلەلەرٸنە جەنە قالا مەن اۋىل اراسىنداعى الشاقتىقتى قىسقارتۋعا باعىتتالعان شارالارعا ەرەكشە نازار اۋداردى.
ينفراقۇرىلىم تاقىرىبىن جالعاستىرا وتىرىپ, قوستاناي اۆتوموبيل كٶلٸگٸ كوللەدجٸنٸڭ ديرەكتورى دميتريي پاۆلەنكو «حالىقتىق قۇرىلىس» باعدارلاماسىنىڭ جۇمىسپەن قامتۋ سالاسىنا دا وڭ ەسەرٸن تيگٸزٸپ وتىرعانىن اتاپ ٶتتٸ. باعدارلامانى ٸسكە اسىرۋ تەحنيكالىق جەنە كەسٸپتٸك بٸلٸمگە دەگەن سۇرانىستى ەدەۋٸر ارتتىرىپ, بٸلٸكتٸ مامانداردىڭ ۇزاق مەرزٸمدٸ جۇمىسپەن قامتىلۋىنا مٷمكٸندٸك بەرەدٸ.
جۇمىستىڭ تاعى بٸر ماڭىزدى باعىتى رەتٸندە تٶرالقا مٷشەلەرٸ بەكمۇرات جٷسٸپوۆ پەن ەركٸن ەبٸلدٸڭ ۇسىنىستارى ايتىلدى. ولار جوبالاردىڭ ٸسكە اسىرىلۋ بارىسىنا تۇراقتى قوعامدىق باقىلاۋ جٷرگٸزۋ قاجەتتٸگٸنە توقتالدى. ولاردىڭ پٸكٸرٸنشە, بۇل جۇمىسقا بەيٸندٸ ساراپشىلاردى تارتۋ اشىقتىقتى قامتاماسىز ەتٸپ, جوسپارلانعان جۇمىستاردىڭ ساپالى ەرٸ ۋاقتىلى ورىندالۋىنا مٷمكٸندٸك بەرەدٸ. اتاپ ايتقاندا, ازاماتتار جوبالاردىڭ ٸسكە اسىرىلۋ مەرزٸمدەرٸ مەن بارىسى, وعان قاتىسۋشىلار جەنە بٶلٸنەتٸن قارجى قاراجاتى تۋرالى حاباردار بولادى.
وتىرىس بارىسىندا ينكليۋزيۆتٸ ورتانى دامىتۋ مەسەلەلەرٸ دە قوزعالدى. بۇل سالاداعى ٶزەكتٸ مٸندەتتەر تۋرالى جەكە تەجٸريبەسٸنە سٷيەنە وتىرىپ, بەلگٸلٸ پاراسپورتشى, استانا قالاسى قوعامدىق كەڭەسٸنٸڭ مٷشەسٸ ارداق وتورباەۆ باياندادى. ونىڭ ايتۋىنشا, سوڭعى جىلدارى مەملەكەت تاراپىنان بۇل مەسەلەگە ايتارلىقتاي كٶڭٸل بٶلٸنٸپ, ازاماتتاردىڭ تولىققاندى ٶمٸر سٷرۋٸنە, سپورتپەن اينالىسۋىنا جەنە ٶزٸن-ٶزٸ دامىتۋىنا جاعداي جاسالۋدا.
تٶرالقا وتىرىسىندا ايتىلعان بارلىق باستامالار مەملەكەتتٸك ورگاندارمەن بٸرلەسٸپ قوسىمشا پىسىقتالىپ, الداعى كەزەڭگە ارنالعان حالىق كەڭەسٸنٸڭ كەشەندٸ جۇمىس جوسپارىنا ەنگٸزٸلەتٸنٸ اتاپ ٶتٸلدٸ.
