پرەزيدەنت قاسىم-جومارت توقاەۆ مەملەكەتتٸك باسقارۋ جٷيەسٸن تٷبەگەيلٸ رەفورمالاپ, قاعازباستىلىقتى جويۋدى جەنە جاساندى ينتەللەكتٸنٸ كەڭٸنەن قولدانۋدى تاپسىردى. مەملەكەت باسشىسى مەملەكەتتٸك قىزمەتشٸلەردٸڭ كەسٸبي دەڭگەيٸن كٶتەرٸپ, باسقارۋ جٷيەسٸن جاڭا ەكونوميكالىق جاعدايعا بەيٸمدەۋ قاجەتتٸگٸن ايتتى, دەپ حابارلايدى ult.kz.
پرەزيدەنتتٸڭ پٸكٸرٸنشە, ەربٸر مەملەكەتتٸك مەكەمە ٶزٸنٸڭ عانا ەمەس, تۇتاس مەملەكەتتٸك اپپاراتتىڭ جۇمىس ٸستەۋ تەرتٸبٸن تٷسٸنۋٸ كەرەك. ال جاساندى ينتەللەكت قايتالاناتىن مٸندەتتەر مەن باسقارۋ جٷيەسٸندەگٸ قايشىلىقتاردى جويۋعا كٶمەكتەسۋگە تيٸس.
«مەملەكەتتٸك اپپارات قاعازباستىلىقتان تولىق جەنە بٸرجولا ارىلۋى قاجەت. شەشٸم قابىلداۋعا, ياعني دامۋعا كەدەرگٸ كەلتٸرەتٸن بارلىق رەسٸمدٸ قىسقارتۋ كەرەك», – دەدٸ قاسىم-جومارت توقاەۆ.
مەملەكەت باسشىسى مەملەكەتتٸك قىزمەتشٸلەردٸڭ كەسٸبي بٸلٸكتٸلٸگٸنە دە توقتالدى. ونىڭ ايتۋىنشا, مەملەكەتتٸك قىزمەت سالاسىندا ەلٸ دە جوعارى كەسٸبي دەڭگەيگە تولىق قول جەتكٸزٸلدٸ دەۋگە نەگٸز جوق. وسىعان بايلانىستى پرەزيدەنت مەملەكەتتٸك قىزمەتشٸلەرگە ارنالعان جاڭا ەدەپ قاعيداتتارىن ەزٸرلەۋ قاجەتتٸگٸن اتاپ ٶتتٸ.
«مەملەكەتتٸك قىزمەتشٸ, ەڭ الدىمەن, كونستيتۋتسييا تالاپتارىن باسشىلىققا الىپ, وتانىنا جەنە حالقىنا ادال قىزمەت ەتۋگە تيٸس», – دەدٸ پرەزيدەنت.
سونىمەن قاتار قاسىم-جومارت توقاەۆ مەملەكەتتٸك باسقارۋ جٷيەسٸندەگٸ ٶزگەرٸستەر جەكەلەگەن شارالارمەن شەكتەلمەۋٸ كەرەك ەكەنٸن ەسكەرتتٸ. ونىڭ سٶزٸنشە, ەلگە كٶزبوياۋشىلىق ەمەس, ناقتى نەتيجەگە باعىتتالعان شىنايى رەفورما قاجەت. بۇل ٷدەرٸس قۇقىقتىق جەنە قارجىلىق شارالاردى قاتار قابىلداۋدى تالاپ ەتەدٸ.
وسىعان وراي, مەملەكەت باسشىسى پرەزيدەنت ەكٸمشٸلٸگٸنە 2027 جىلعى 1 ماۋسىمعا دەيٸن مەملەكەتتٸك باسقارۋ جٷيەسٸن رەفورمالاۋعا قاتىستى كەشەندٸ جوسپار ەزٸرلەۋدٸ تاپسىردى.
پرەزيدەنتتٸڭ ايتۋىنشا, مەملەكەتتٸك باسقارۋ جٷيەسٸن تسيفرلىق تەحنولوگييالار مەن جاساندى ينتەللەكتٸگە نەگٸزدەلگەن جاڭا ەكونوميكا تالاپتارىنا سەيكەستەندٸرٸپ, تٷبەگەيلٸ جاڭعىرتۋ قاجەت.
