پرەزيدەنت قاسىم-جومارت توقاەۆ سالىق ساياساتىن جەتٸلدٸرۋ قاجەتتٸگٸن ايتىپ, ٷكٸمەتكە بيزنەس ٶكٸلدەرٸنٸڭ ۇسىنىستارىن ەسكەرە وتىرىپ, سالىق زاڭناماسىنا ناقتى ٶزگەرٸستەر ەنگٸزۋدٸ تاپسىردى, دەپ حابارلايدى ult.kz.
مەملەكەت باسشىسىنىڭ ايتۋىنشا, جاڭا سالىق كودەكسٸ بٷكٸل جٷيەنٸ كەشەندٸ تٷردە جاڭعىرتۋعا نەگٸز قالاعانىمەن, اۋقىمدى رەفورمانى جٷزەگە اسىرۋ بارىسىندا الدىن الا بولجاۋ قيىن مەسەلەلەر تۋىنداعان. سونىڭ سالدارىنان كەسٸپكەرلەر جەكەلەگەن نورمالاردى قولدانۋ كەزٸندە قيىندىقتارعا تاپ بولىپ وتىر.
«سالىق كودەكسٸ – دوگما ەمەس, قاسيەتتٸ جازبا دا ەمەس. ول شىنايى ٶمٸردەن الشاق بولماۋعا تيٸس», – دەدٸ قاسىم-جومارت توقاەۆ.
پرەزيدەنتتٸڭ پٸكٸرٸنشە, زاڭناماداعى قايشىلىقتاردى جويىپ, نورمالاردىڭ ەكٸۇشتى تٷسٸندٸرٸلۋٸنە جول بەرمەۋ قاجەت. سونداي-اق كەسٸپكەرلەرگە تٷسەتٸن نەگٸزسٸز سالماق پەن جٷيەدەگٸ ولقىلىقتاردى رەتتەۋ ماڭىزدى.
مەملەكەت باسشىسى سالىق جٷيەسٸ بيزنەستٸڭ دامۋىنا ىنتانى تٶمەندەتپەۋگە, ينۆەستيتسييا تارتۋعا جەنە جاڭا جۇمىس ورىندارىن اشۋعا كەدەرگٸ كەلتٸرمەۋگە تيٸس ەكەنٸن اتاپ ٶتتٸ.
وسىعان بايلانىستى ٷكٸمەتكە بيزنەس ٶكٸلدەرٸنٸڭ پٸكٸرٸنە قۇلاق اسىپ, سالىق زاڭناماسىنا نٷكتەلٸ ٶزگەرٸستەر ەنگٸزۋ جٶنٸندە ۇسىنىستار ەزٸرلەۋ مٸندەتٸ جٷكتەلدٸ.
«مۇنى جان-جاقتى ويلاستىرىپ, ەر جولى كەسٸپكەرلەردٸڭ جۇمىس ٸستەۋ ەرەجەلەرٸن ٶزگەرتە بەرمەيتٸندەي ەتٸپ جاساۋ كەرەك. بٸزدٸڭ زاڭنامامىزدىڭ تىم كٷردەلٸ ەرٸ تٷسٸنۋگە قيىن بولعانى سونشالىق, ول كەسٸپكەرلەر ٷشٸن ناعىز باس اۋرۋىنا اينالدى», – دەدٸ پرەزيدەنت.
قاسىم-جومارت توقاەۆ سالىق زاڭناماسىنداعى ٶزگەرٸستەر كەسٸپكەرلٸك ورتاعا تٷسٸنٸكتٸ ەرٸ بولجامدى بولۋى كەرەكتٸگٸن اتاپ ٶتتٸ.
