قازاقستاندا سەگٸز زاماناۋي پەريناتالدى ورتالىق پەن جەتٸ كٶپبەيٸندٸ بالالار اۋرۋحاناسى سالىنادى. سونىمەن قاتار كەلەسٸ جىلدىڭ 1 قاڭتارىنان باستاپ ۋچاسكەلٸك قىزمەت ماماندارىنىڭ جالاقىسى 40 پايىزعا دەيٸن ارتىپ, ەڭ تٶمەنگٸ جالاقى 100 مىڭ تەڭگەگە كٶتەرٸلەدٸ. بۇل تۋرالى پرەزيدەنت قاسىم-جومارت توقاەۆ مەلٸمدەدٸ, دەپ حابارلايدى ult.kz.
قازاقستاندا سەگٸز زاماناۋي پەريناتالدى ورتالىق پەن جەتٸ كٶپبەيٸندٸ بالالار اۋرۋحاناسى سالىنادى. سونىمەن قاتار كەلەسٸ جىلدىڭ 1 قاڭتارىنان باستاپ ۋچاسكەلٸك قىزمەت ماماندارىنىڭ جالاقىسى 40 پايىزعا دەيٸن ارتىپ, ەڭ تٶمەنگٸ جالاقى 100 مىڭ تەڭگەگە كٶتەرٸلەدٸ. بۇل تۋرالى پرەزيدەنت قاسىم-جومارت توقاەۆ مەلٸمدەدٸ.
مەملەكەت باسشىسى ەلٸمٸزدە بالالار سانى جەتٸ ميلليونعا جۋىقتاعانىن, بۇل جالپى حالىقتىڭ 34 پايىزى ەكەنٸن اتاپ ٶتتٸ. ونىڭ ايتۋىنشا, جىل سايىن 330 مىڭنان استام سەبي دٷنيەگە كەلەدٸ. سوندىقتان دەنساۋلىق ساقتاۋ ينفراقۇرىلىمىن جٷيەلٸ ەرٸ جەدەل دامىتۋ ماڭىزدى مٸندەتكە اينالىپ وتىر.
«بٸز اۋقىمدى قۇرىلىستىڭ العاشقى كەزەڭٸندە ەلٸمٸز بويىنشا سەگٸز زاماناۋي پەريناتالدى ورتالىق سالۋدى جوسپارلاپ وتىرمىز», – دەدٸ پرەزيدەنت.
بۇدان بٶلەك, اتىراۋ, اقتٶبە, الماتى, شىمكەنت, قاسكەلەڭ, سەمەي جەنە اقتاۋ قالالارىندا جەتٸ كٶپبەيٸندٸ بالالار اۋرۋحاناسى, ال استانادا تاعى ەكٸ مەديتسينالىق نىسان بوي كٶتەرمەك.
قاسىم-جومارت توقاەۆ بۇل جوبالاردى جٷزەگە اسىرۋ ٷشٸن بيۋدجەت قاراجاتىمەن قاتار, جەكە كاپيتالدى دا كەڭٸنەن تارتۋ قاجەتتٸگٸن ايتتى. سونداي-اق مەملەكەت پەن جەكەمەنشٸك سەرٸكتەستٸگٸ اياسىنداعى جوبالاردى تيٸمدٸ ٸسكە اسىرىپ, قاجەتتٸ رەسٸمدەردٸ نەگٸزسٸز سوزباي, شەشٸمدەردٸ جەدەل قابىلداۋدى تاپسىردى.
پرەزيدەنت العاشقى مەديتسينالىق-سانيتارلىق كٶمەك جٷيەسٸن جاڭعىرتۋعا دا ەرەكشە مەن بەرٸلەتٸنٸن جەتكٸزدٸ. ونىڭ سٶزٸنشە, جالپى پراكتيكا دەرٸگەرلەرٸنٸڭ ٶكٸلەتتٸگٸن كەڭەيتٸپ, بۇل باعىتتاعى قارجىلاندىرۋ كٶلەمٸن كەزەڭ-كەزەڭٸمەن ارتتىرۋ ماڭىزدى.
«ٷكٸمەتكە كەلەر جىلدىڭ 1 قاڭتارىنان باستاپ وسى باعىتتا جۇمىس ٸستەيتٸن ۋچاسكەلٸك قىزمەت ماماندارىنىڭ جالاقىسىن ٷزدٸكسٸز ەڭبەك ٶتٸلٸنە قاراي 40 پايىزعا دەيٸن ارتتىرۋدى تاپسىرامىن. بۇل 77 مىڭنان استام ماماننىڭ تابىسىن ٶسٸرۋگە مٷمكٸندٸك بەرەدٸ», – دەدٸ مەملەكەت باسشىسى.
سونىمەن قاتار پرەزيدەنت ەڭ تٶمەنگٸ جالاقى مٶلشەرٸن 85 مىڭ تەڭگەدەن 100 مىڭ تەڭگەگە دەيٸن كٶتەرۋدٸ تاپسىردى. بۇل ٶزگەرٸس كەلەسٸ جىلدىڭ 1 قاڭتارىنان باستاپ جٷزەگە اسىرىلۋعا تيٸس.
«بۇل 1,8 ميلليون ادامنىڭ, سونىڭ ٸشٸندە بيۋدجەتتەن جالاقى الاتىن 370 مىڭنان استام قىزمەتكەردٸڭ تابىسىن ارتتىرۋعا ىقپال ەتەدٸ», – دەپ اتاپ ٶتتٸ قاسىم-جومارت توقاەۆ.
وسىلايشا, الداعى كەزەڭدە بالالار دەنساۋلىعىن قورعاۋ ينفراقۇرىلىمىن كەڭەيتۋ, العاشقى مەديتسينالىق كٶمەكتٸ جەتٸلدٸرۋ جەنە حالىق تابىسىن ارتتىرۋ باعىتىندا بٸرقاتار ٶزگەرٸس جٷزەگە اسىرىلماق.
