Qazaqstan Respýblikasynyń Prezidenttigine kandidat Jigýli Dairabaev úgit-nasihat jumystaryn Batys Qazaqstan oblysynda jalǵastyryp jatyr, - dep habarlaidy «Aýyl» partiiasynyń baspasóz qyzmeti.
Óńirge arnaiy kelgen kandidat Jáńgir han atyndaǵy Batys Qazaqstan agrarlyq-tehnikalyq ýniversitetinde kezdesý ótkizdi. Jiynǵa ýniversettiń basshylary men oqytýshylyq quramy, stýdentter, JOO belsendileri qatysty. Kezdesý barysynda oqý ordasynda bilim alǵan mamandardyń jumyspen qamtamasyz etilýi talqyǵa salyndy.
«Iá, rasynda aýyldyq jerler men qalanyń damý deńgeiinde aiyrmashylyq bary jasyryn emes. Osyny anyq ańǵaryp, kórip júrgen jastar oqý bitirgen boida aldymen qalada qyzmetin bastap, sol jerde turaqtap qalýdy kózdeidi. Biraq ózimiz aitqandai, aýyldardy damytý memlekettiń basty baǵyttarynyń birine ainalyp otyr. Osy rette «Diplommen – aýylǵa!» baǵdarlamasyna ózgerister engizý qajet dep sanaimyn», – dep atap ótti Jigýli Dairabaev.
Kandidat aýyldan shyqqan jastar, qaita aýylǵa oralyp, óz týǵan jeriniń damýyna úles qosýy qajet deidi. Ol úshin olarǵa barlyq jaǵdai jasalýy tiis. Aýyldyq eldi mekenderdegi bilikti maman tapshylyǵynyń ornyn toltyrýdyń birden-bir joly osy. «Diplommen – aýylǵa!» baǵdarlamasynyń aiasyn keńeitip, jumysty jańa deńgeide jalǵastyrǵan jón.
«Elimizdegi aýyl sharýashylyǵy baǵytyndaǵy ýniversitetterdiń túlekteri nege mamandyq boiynsha jumys isteýge barmaidy? Birinshiden, saladaǵy jalaqynyń tómendigine bailanysty. Ekinshiden, aýyldaǵy turmystyq jaǵdaidyń qiyndyǵy, kóptegen aýyldarda qarapaiym sýyq sý, internet joq, joldar óte nashar. Úshinshiden, balalarǵa arnalǵan damytý ortalyqtarynyń joqtyǵy. Sondyqtan «Aýyl» partiiasy usynyp otyrǵandai, aýyl jáne aýyl sharýashylyǵy máselelerin birlesip sheshý qajet», – degen pikirde Jigýli Dairabaev.
Qandidat Jigýli Dairabaev «Jaiyq Et» kásipornyna baryp, eńbek ujymymen kezdesti. Búginde zamanaýi et óńdeý kesheni 8 myń tonna ónim shyǵarady. Kásiporyn óndiris kólemin arttyrýǵa nietti. Alaida zaýyt basshylyǵynyń aitýynsha, nesie alý boiynsha qiyndyqtar týyndap otyr.
Osy rette Jigýli Dairabaev agrobiznes qurǵysy jáne agrarlyq salany nyǵaitqysy keletinder úshin paiyzsyz nesie beretin arnaiy agrobank qurýdy usynǵanyn atap ótti.
«Paiyzsyz nesie qojalyqtar men fermerlik sharýashylyqtarǵa, jeke kásipkerlerge, aýyl sharýashylyǵy óndiristik kooperativterin ashý men jeke biznesti keńeitýge berilýi tiis. Men bul ózekti máselege ózimniń sailaýaldy baǵdarlamamda da toqtaldym. Biz aýyl sharýashylyǵy salasyn damytýǵa nietti bolsaq, osy baǵytta eńbek etip júrgen azamattarymyzdy qoldaýymyz kerek», – dedi Jigýli Dairabaev.
