قازاقستان رەسپۋبليكاسىنىڭ پرەزيدەنتتٸگٸنە كانديدات جيگۋلي دايراباەۆ ٷگٸت-ناسيحات جۇمىستارىن باتىس قازاقستان وبلىسىندا جالعاستىرىپ جاتىر, - دەپ حابارلايدى «اۋىل» پارتيياسىنىڭ باسپاسٶز قىزمەتٸ.
ٶڭٸرگە ارنايى كەلگەن كانديدات جەڭگٸر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتٸندە كەزدەسۋ ٶتكٸزدٸ. جيىنعا ۋنيۆەرسەتتٸڭ باسشىلارى مەن وقىتۋشىلىق قۇرامى, ستۋدەنتتەر, جوو بەلسەندٸلەرٸ قاتىستى. كەزدەسۋ بارىسىندا وقۋ ورداسىندا بٸلٸم العان مامانداردىڭ جۇمىسپەن قامتاماسىز ەتٸلۋٸ تالقىعا سالىندى.
«يە, راسىندا اۋىلدىق جەرلەر مەن قالانىڭ دامۋ دەڭگەيٸندە ايىرماشىلىق بارى جاسىرىن ەمەس. وسىنى انىق اڭعارىپ, كٶرٸپ جٷرگەن جاستار وقۋ بٸتٸرگەن بويدا الدىمەن قالادا قىزمەتٸن باستاپ, سول جەردە تۇراقتاپ قالۋدى كٶزدەيدٸ. بٸراق ٶزٸمٸز ايتقانداي, اۋىلداردى دامىتۋ مەملەكەتتٸڭ باستى باعىتتارىنىڭ بٸرٸنە اينالىپ وتىر. وسى رەتتە «ديپلوممەن – اۋىلعا!» باعدارلاماسىنا ٶزگەرٸستەر ەنگٸزۋ قاجەت دەپ سانايمىن», – دەپ اتاپ ٶتتٸ جيگۋلي دايراباەۆ.
كانديدات اۋىلدان شىققان جاستار, قايتا اۋىلعا ورالىپ, ٶز تۋعان جەرٸنٸڭ دامۋىنا ٷلەس قوسۋى قاجەت دەيدٸ. ول ٷشٸن ولارعا بارلىق جاعداي جاسالۋى تيٸس. اۋىلدىق ەلدٸ مەكەندەردەگٸ بٸلٸكتٸ مامان تاپشىلىعىنىڭ ورنىن تولتىرۋدىڭ بٸردەن-بٸر جولى وسى. «ديپلوممەن – اۋىلعا!» باعدارلاماسىنىڭ اياسىن كەڭەيتٸپ, جۇمىستى جاڭا دەڭگەيدە جالعاستىرعان جٶن.
«ەلٸمٸزدەگٸ اۋىل شارۋاشىلىعى باعىتىنداعى ۋنيۆەرسيتەتتەردٸڭ تٷلەكتەرٸ نەگە ماماندىق بويىنشا جۇمىس ٸستەۋگە بارمايدى? بٸرٸنشٸدەن, سالاداعى جالاقىنىڭ تٶمەندٸگٸنە بايلانىستى. ەكٸنشٸدەن, اۋىلداعى تۇرمىستىق جاعدايدىڭ قيىندىعى, كٶپتەگەن اۋىلداردا قاراپايىم سۋىق سۋ, ينتەرنەت جوق, جولدار ٶتە ناشار. ٷشٸنشٸدەن, بالالارعا ارنالعان دامىتۋ ورتالىقتارىنىڭ جوقتىعى. سوندىقتان «اۋىل» پارتيياسى ۇسىنىپ وتىرعانداي, اۋىل جەنە اۋىل شارۋاشىلىعى مەسەلەلەرٸن بٸرلەسٸپ شەشۋ قاجەت», – دەگەن پٸكٸردە جيگۋلي دايراباەۆ.
قانديدات جيگۋلي دايراباەۆ «جايىق ەت» كەسٸپورنىنا بارىپ, ەڭبەك ۇجىمىمەن كەزدەستٸ. بٷگٸندە زاماناۋي ەت ٶڭدەۋ كەشەنٸ 8 مىڭ توننا ٶنٸم شىعارادى. كەسٸپورىن ٶندٸرٸس كٶلەمٸن ارتتىرۋعا نيەتتٸ. الايدا زاۋىت باسشىلىعىنىڭ ايتۋىنشا, نەسيە الۋ بويىنشا قيىندىقتار تۋىنداپ وتىر.
وسى رەتتە جيگۋلي دايراباەۆ اگروبيزنەس قۇرعىسى جەنە اگرارلىق سالانى نىعايتقىسى كەلەتٸندەر ٷشٸن پايىزسىز نەسيە بەرەتٸن ارنايى اگروبانك قۇرۋدى ۇسىنعانىن اتاپ ٶتتٸ.
«پايىزسىز نەسيە قوجالىقتار مەن فەرمەرلٸك شارۋاشىلىقتارعا, جەكە كەسٸپكەرلەرگە, اۋىل شارۋاشىلىعى ٶندٸرٸستٸك كووپەراتيۆتەرٸن اشۋ مەن جەكە بيزنەستٸ كەڭەيتۋگە بەرٸلۋٸ تيٸس. مەن بۇل ٶزەكتٸ مەسەلەگە ٶزٸمنٸڭ سايلاۋالدى باعدارلامامدا دا توقتالدىم. بٸز اۋىل شارۋاشىلىعى سالاسىن دامىتۋعا نيەتتٸ بولساق, وسى باعىتتا ەڭبەك ەتٸپ جٷرگەن ازاماتتارىمىزدى قولداۋىمىز كەرەك», – دەدٸ جيگۋلي دايراباەۆ.
