Jelide qar barysynyń ulttyq parkte túsirilgen videosy tarady, - dep habarlaidy Massaget.kz portaly.
Video Ile Alataýy ulttyq parkiniń Instagram-daǵy resmi paraqshasynda jariialanǵan.
"Jelide ilbis beinelengen video "Ile Alataýy memlekettik ulttyq tabiǵi parki" respýblikalyq memlekettik mekemesiniń Aqsai filialynda túsirilgeni anyqtaldy. Ulttyq park aýmaǵyn ilbis (barys) burynnan meken etetini belgili", - delingen jazbada.
Ulttyq parktiń ǵylymi qyzmetkerleri jyrtqysh ańdy erekshe baqylaýǵa alǵan.
"Osyǵan orai, 5 jeltoqsannan bastap Ulttyq parktiń ǵylymi-zertteý qyzmetkeri men Aqsai filialynyń ańtanýshy-biolog mamany Aqsai filialynda zertteý jumystaryn júrgizip jatyr. Ári qarai Ulttyq park pen Zoologiia institýty arasynda ǵylymi áriptestik kelisimsharty negizinde jumystar atqarylady. Aqsai saiynda mekendep júrgen ilbis (barys) memlekettik inspektorlar qadaǵalaýynda. Qosymsha aqparattar jariialanatyn bolady", - delingen jazbada.
Aita keteiik, ilbis - respýblikamyzdyń Qyzyl kitabyna tirkelgen jyrtqysh. Ol Jońǵar, Ile, Kúngei, Talas, Altai, Saýyr, Tarbaǵatai taýlarynda kezdesedi. Mysyq tuqymdastar ishindegi qatal jaǵdailarǵa tózimdi, biik taýly aimaqtarda mekendep, iri tuiaqty janýarlarmen qorektenetin jyrtqysh ań.
"Egemen Qazaqstan" basylymynyń málimetinshe, Ile Alataýynda jalpy 40 qar barysy meken etedi.
