جەلٸدە قار بارىسىنىڭ ۇلتتىق پاركتە تٷسٸرٸلگەن ۆيدەوسى تارادى, - دەپ حابارلايدى Massaget.kz پورتالى.
ۆيدەو ٸلە الاتاۋى ۇلتتىق پاركٸنٸڭ Instagram-داعى رەسمي پاراقشاسىندا جارييالانعان.
"جەلٸدە ٸلبٸس بەينەلەنگەن ۆيدەو "ٸلە الاتاۋى مەملەكەتتٸك ۇلتتىق تابيعي پاركٸ" رەسپۋبليكالىق مەملەكەتتٸك مەكەمەسٸنٸڭ اقساي فيليالىندا تٷسٸرٸلگەنٸ انىقتالدى. ۇلتتىق پارك اۋماعىن ٸلبٸس (بارىس) بۇرىننان مەكەن ەتەتٸنٸ بەلگٸلٸ", - دەلٸنگەن جازبادا.
ۇلتتىق پاركتٸڭ عىلىمي قىزمەتكەرلەرٸ جىرتقىش اڭدى ەرەكشە باقىلاۋعا العان.
"وسىعان وراي, 5 جەلتوقساننان باستاپ ۇلتتىق پاركتٸڭ عىلىمي-زەرتتەۋ قىزمەتكەرٸ مەن اقساي فيليالىنىڭ اڭتانۋشى-بيولوگ مامانى اقساي فيليالىندا زەرتتەۋ جۇمىستارىن جٷرگٸزٸپ جاتىر. ەرٸ قاراي ۇلتتىق پارك پەن زوولوگييا ينستيتۋتى اراسىندا عىلىمي ەرٸپتەستٸك كەلٸسٸمشارتى نەگٸزٸندە جۇمىستار اتقارىلادى. اقساي سايىندا مەكەندەپ جٷرگەن ٸلبٸس (بارىس) مەملەكەتتٸك ينسپەكتورلار قاداعالاۋىندا. قوسىمشا اقپاراتتار جارييالاناتىن بولادى", - دەلٸنگەن جازبادا.
ايتا كەتەيٸك, ٸلبٸس - رەسپۋبليكامىزدىڭ قىزىل كٸتابىنا تٸركەلگەن جىرتقىش. ول جوڭعار, ٸلە, كٷنگەي, تالاس, التاي, ساۋىر, تارباعاتاي تاۋلارىندا كەزدەسەدٸ. مىسىق تۇقىمداستار ٸشٸندەگٸ قاتال جاعدايلارعا تٶزٸمدٸ, بيٸك تاۋلى ايماقتاردا مەكەندەپ, ٸرٸ تۇياقتى جانۋارلارمەن قورەكتەنەتٸن جىرتقىش اڭ.
"ەگەمەن قازاقستان" باسىلىمىنىڭ مەلٸمەتٸنشە, ٸلە الاتاۋىندا جالپى 40 قار بارىسى مەكەن ەتەدٸ.
