Foto: gov.kz
Politsiia 25 million teńgeden astam qarajat urlaǵan kúdiktini ustady, dep habarlaidy «Ult aqparat» inbusiness.kz-ke silteme jasap.
20 sáýirde Kóksý aýdanynyń politsiiasyna Aktsionerlik qoǵamnyń ókilinen aryz tústi. Onda aýdandyq filial direktorynyń kassadan qomaqty somany alyp, belgisiz baǵytta qashyp ketkeni habarlanǵan.
Aktsionerlik qoǵam ókiliniń aitýynsha, kúdikti óziniń qyzmettik jaǵdaiyn asyra paidalanyp, qolma-qol aqsha alyp, joǵalyp ketken. Tekserý barysynda 25 million teńgeden astam aqshanyń jetispeitini anyqtaldy.
– Izdestirý sharalary barysynda kúdikti ustalyp, óz kinásin moiyndady. Jaýap alý kezinde aqshany jeke qajettilikterine jumsaǵanyn túsindirgen, – deidi Kóksý APB bastyǵynyń orynbasary Ádilet Maqashev.
