Biyl sáýirde Tarazdaǵy gimnaziialardyń birinde 9-synyp pen 10-synyp oqýshylary arasynda tóbeles bolyp, bir balanyń kózine aýyr zaqym kelgen. dep habarlaidy ult.kz. Kriminalnyi Kazahstan telegram arnasyna silteme jasap.
Janjal jasóspirimderdiń biriniń ekinshisine iyǵymen tiip ketýinen bastalǵan. Oqiǵadan keiin 10-synyp oqýshysyn er balalardyń kiim aýystyratyn bólmesine shaqyrǵan. Sol jerde tóbeles bolǵan. Sot málimetinshe, oqýshylardyń biri onyń sol jaq kózine judyryqpen soqqy jasaǵan. Saldarynan jasóspirim sol kóziniń kórý qabiletinen tolyq aiyrylǵan.
Jábirlenýshige osy ýaqytqa deiin jeti ret ota jasalǵan. Anasynyń aitýynsha, qazir ulynyń ekinshi kóziniń de kórý qabileti nasharlap barady. Ol shabýylǵa birneshe jasóspirim qatysqanyn aitady. Alaida sot aldynda olardyń bireýi ǵana jaýap bergen.
Sot oqýshyny kináli dep tanyp, 7 jylǵa bas bostandyǵynan aiyrdy. Tergeý kezinde ol úiqamaqta bolǵan. Úkim jariialanǵannan keiin sot zalynda qamaýǵa alyndy.
Sottalǵan jasóspirim kinásin ishinara moiyndaǵan. Al jábirlenýshiniń anasy apelliatsiialyq shaǵym túsirip, janjalǵa qatysqan ózge de jasóspirimderdi jaýapqa tartýǵa kúsh salatynyn málimdedi.
