بيىل سەۋٸردە تارازداعى گيمنازييالاردىڭ بٸرٸندە 9-سىنىپ پەن 10-سىنىپ وقۋشىلارى اراسىندا تٶبەلەس بولىپ, بٸر بالانىڭ كٶزٸنە اۋىر زاقىم كەلگەن. دەپ حابارلايدى ult.kz. كريمينالنىي كازاحستان telegram ارناسىنا سٸلتەمە جاساپ.
جانجال جاسٶسپٸرٸمدەردٸڭ بٸرٸنٸڭ ەكٸنشٸسٸنە يىعىمەن تيٸپ كەتۋٸنەن باستالعان. وقيعادان كەيٸن 10-سىنىپ وقۋشىسىن ەر بالالاردىڭ كيٸم اۋىستىراتىن بٶلمەسٸنە شاقىرعان. سول جەردە تٶبەلەس بولعان. سوت مەلٸمەتٸنشە, وقۋشىلاردىڭ بٸرٸ ونىڭ سول جاق كٶزٸنە جۇدىرىقپەن سوققى جاساعان. سالدارىنان جاسٶسپٸرٸم سول كٶزٸنٸڭ كٶرۋ قابٸلەتٸنەن تولىق ايىرىلعان.
جەبٸرلەنۋشٸگە وسى ۋاقىتقا دەيٸن جەتٸ رەت وتا جاسالعان. اناسىنىڭ ايتۋىنشا, قازٸر ۇلىنىڭ ەكٸنشٸ كٶزٸنٸڭ دە كٶرۋ قابٸلەتٸ ناشارلاپ بارادى. ول شابۋىلعا بٸرنەشە جاسٶسپٸرٸم قاتىسقانىن ايتادى. الايدا سوت الدىندا ولاردىڭ بٸرەۋٸ عانا جاۋاپ بەرگەن.
سوت وقۋشىنى كٸنەلٸ دەپ تانىپ, 7 جىلعا باس بوستاندىعىنان ايىردى. تەرگەۋ كەزٸندە ول ٷيقاماقتا بولعان. ٷكٸم جارييالانعاننان كەيٸن سوت زالىندا قاماۋعا الىندى.
سوتتالعان جاسٶسپٸرٸم كٸنەسٸن ٸشٸنارا مويىنداعان. ال جەبٸرلەنۋشٸنٸڭ اناسى اپەللياتسييالىق شاعىم تٷسٸرٸپ, جانجالعا قاتىسقان ٶزگە دە جاسٶسپٸرٸمدەردٸ جاۋاپقا تارتۋعا كٷش سالاتىنىن مەلٸمدەدٸ.
