فوتو: gov.kz
پوليتسييا 25 ميلليون تەڭگەدەن استام قاراجات ۇرلاعان كٷدٸكتٸنٸ ۇستادى, دەپ حابارلايدى «ۇلت اقپارات» inbusiness.kz-كە سٸلتەمە جاساپ.
20 سەۋٸردە كٶكسۋ اۋدانىنىڭ پوليتسيياسىنا اكتسيونەرلٸك قوعامنىڭ ٶكٸلٸنەن ارىز تٷستٸ. وندا اۋداندىق فيليال ديرەكتورىنىڭ كاسسادان قوماقتى سومانى الىپ, بەلگٸسٸز باعىتتا قاشىپ كەتكەنٸ حابارلانعان.
اكتسيونەرلٸك قوعام ٶكٸلٸنٸڭ ايتۋىنشا, كٷدٸكتٸ ٶزٸنٸڭ قىزمەتتٸك جاعدايىن اسىرا پايدالانىپ, قولما-قول اقشا الىپ, جوعالىپ كەتكەن. تەكسەرۋ بارىسىندا 25 ميلليون تەڭگەدەن استام اقشانىڭ جەتٸسپەيتٸنٸ انىقتالدى.
– ٸزدەستٸرۋ شارالارى بارىسىندا كٷدٸكتٸ ۇستالىپ, ٶز كٸنەسٸن مويىندادى. جاۋاپ الۋ كەزٸندە اقشانى جەكە قاجەتتٸلٸكتەرٸنە جۇمساعانىن تٷسٸندٸرگەن, – دەيدٸ كٶكسۋ اپب باستىعىنىڭ ورىنباسارى ەدٸلەت ماقاشەۆ.
