قازاقستان فۋتبول فەدەراتسيياسىنىڭ باقىلاۋ, تەرتٸپتٸك جەنە ەتيكا كوميتەتٸ پرەمەر-ليگانىڭ 23-تۋرى اياسىنداعى «اقتٶبە» مەن «ورداباسى» ماتچىنان كەيٸن بٸرقاتار شەشٸم قابىلدادى, دەپ حابارلايدى ult.kz.
كلۋبتار مەن «اقتٶبە» كومانداسىنىڭ باس باپكەرٸ يگور چەرەۆچەنكوعا قارجىلىق سانكتسييالار سالىندى.
ەڭ ٷلكەن ايىپپۇل «اقتٶبە» فۋتبول كلۋبىنا تاعايىندالدى. كومانداعا ماتچتى تيٸستٸ دەڭگەيدە ۇيىمداستىرماعانى, قاۋٸپسٸزدٸك تالاپتارىن بۇزعانى جەنە ماتچتىڭ رەسمي تۇلعالارىنىڭ قاۋٸپسٸزدٸگٸن قامتاماسىز ەتپەگەنٸ ٷشٸن جازا قولدانىلدى.
سونىمەن قاتار كلۋب ديرەكتورى ب. دٷزەلباەۆتىڭ تٶرەشٸلەر كيٸم اۋىستىراتىن بٶلمەسٸنە رۇقساتسىز كٸرگەنٸ انىقتالعان. وسى ەرەكەتٸ ٷشٸن كلۋبقا 300 اەك, ياعني 1 ملن 297 مىڭ 500 تەڭگە ايىپپۇل سالىندى.
ال جانكٷيەرلەردٸڭ ماتچتىڭ رەسمي تۇلعالارىنا بالاعات سٶزدەر ايتىپ, قارسىلاس كومانداعا تٸل تيگٸزگەنٸ ٷشٸن كلۋب تاعى 200 اەك (865 مىڭ تەڭگە) تٶلەۋگە مٸندەتتەلدٸ.
وسىلايشا, «اقتٶبە» كلۋبىنا سالىنعان ايىپپۇلدىڭ جالپى سوماسى 500 اەك نەمەسە 2 ملن 162 مىڭ 500 تەڭگە بولدى.
كوماندانىڭ باس باپكەرٸ يگور چەرەۆچەنكو دا ديسكرەديتاتسييالىق سيپاتتاعى مەلٸمدەمەلەرٸ ٷشٸن 50 اەك, ياعني 216 مىڭ 250 تەڭگە ايىپپۇل تٶلەيدٸ.
ال «ورداباسى» كلۋبىنا كوماندانىڭ كيٸم اۋىستىراتىن بٶلمەدەن كەش شىعۋىنا بايلانىستى ماتچتىڭ ٷش مينۋتقا كەش باستالعانى ٷشٸن 60 اەك (259 مىڭ 500 تەڭگە) ايىپپۇل سالىندى.
بارلىق ايىپپۇلدى 20 قاراشاعا دەيٸن تٶلەۋ قاجەت.
ماتچتان كەيٸن جانجال تۋىنداعان ەدٸ
ايتا كەتەيٸك, وسى ماتچتان كەيٸن ەلەۋمەتتٸك جەلٸلەردە «اقتٶبە» كلۋبىنىڭ كەمەلەتكە تولماعان جانكٷيەر قىزدارى ۇستاعان پلاكاتتىڭ سۋرەتٸ تارادى. وندا «NO SHYMSIDE, NO TEXAS FANS!» دەگەن جازۋ جەنە ٶزبەكستان تۋىنا ۇقساس بەينە بولعان. ماتچتان كەيٸن جانكٷيەرلەردٸڭ بٸر بٶلٸگٸ «ٶزبەكتەر!» دەپ ۇرانداتقان.
وقيعا قازاقستان مەن ٶزبەكستاندا قوعامدىق رەزونانس تۋدىردى. پوليتسييا قىزداردىڭ جەكە باسىن انىقتاپ, اتا-انالارىنىڭ قاتىسۋىمەن پروفيلاكتيكالىق ەڭگٸمە جٷرگٸزدٸ. بالالاردى تەربيەلەۋ مٸندەتتەرٸن تيٸسٸنشە ورىنداماعانى ٷشٸن اتا-انالارى ەكٸمشٸلٸك جاۋاپكەرشٸلٸككە تارتىلدى.
كەيٸن «اقتٶبە» فۋتبول كلۋبى ەكٸمشٸلٸك ايىپپۇل العان التى قىزدىڭ شىعىنىن ٶتەيتٸنٸن مەلٸمدەدٸ. كلۋب كەمسٸتۋشٸلٸككە قارسى ەكەنٸن ايتىپ, قىزدارعا قولداۋ كٶرسەتەتٸنٸن جەتكٸزدٸ.
