Ońtústik Koreianyń Ichhon qalasynda Qazaqstan azamaty ustalyp, oǵan birneshe quqyqbuzýshylyq boiynsha aiyp taǵyldy, dep habarlaidy ult.kz.
Jergilikti politsiianyń málimetinshe, qazaqstandyq bótenniń múlkine ziian keltirdi, kólik quralyn paidalaný qaǵidalaryn jáne kóshi-qon talaptaryn buzdy degen kúdikke ilingen.
Qazaqstannyń Syrtqy ister ministrligi ustalǵan azamatqa konsýldyq-quqyqtyq kómek kórsetilip, jaǵdai baqylaýǵa alynǵanyn habarlady.
«Qazaqstan diplomattary ustalǵan azamatqa konsýldyq-quqyqtyq qoldaý kórsetip, jaǵdaidy baqylaýǵa aldy», – dep málimdedi vedomstvo.
Aita keteiik, biyl tamyzda Qazaqstan Ońtústik Koreianyń sheteldik jumys kúshin tartýǵa arnalǵan Employment Permit System (EPS) memlekettik júiesine qatysýshy elderdiń qataryna resmi túrde qosyldy.
Bul júie shetel azamattaryna Koreia Respýblikasynyń zańnamasy men memleketaralyq kelisimderde belgilengen talaptardy saqtai otyryp, elde zańdy túrde jumys isteýge múmkindik beredi.
