Qazaqstanda esirtki kontrabandasyna qatysty is boiynsha ustalǵan reper Navai (Navai Bakirov) ýaqytsha ustaý izoliatorynan bosatyldy. BAQ málimetinshe, óner iesi Reseige ushyp ketken, dep habarlaidy ult.kz.
Mash basylymynyń habarlaýynsha, buǵan deiin reper Tarazdaǵy tergeý izoliatorynan aýdandyq ýaqytsha ustaý izoliatoryna aýystyrylǵan. Keiin ol bosatylǵan.
Eske salaiyq, buǵan deiin Navai Qazaqstan shekarasynda esirtki kontrabandasyna qatysty is boiynsha ustalǵany habarlanǵan edi. Málimetterge sáikes, odan marihýana tabylǵan. Osydan keiin mýzykant Tarazdaǵy izoliatorǵa qamalyp, aldaǵy kontsertteri toqtatylǵan.
Alaida reperge qatysty qylmystyq is áli toqtatylmaǵan. Mash málimetinshe, oǵan elden shyqpaý týraly qolhat ta berilmegen.
Sondai-aq basylymnyń jazýynsha, tergeý izoliatorynyń qyzmetkerleri reperdiń bosatylatynyn aldyn ala bilmegen. Tiisti qaýly olarǵa keiinirek túsken.
Kriminalnyi Kazahstan telegram arnasynyń jazýynsha, Jambyl oblysy Politsiia departamenti óner iesiniń bosatylǵanyn rastady. Sondai-aq oǵan qatysty qylmystyq istiń toqtatylǵanyn habarlady.
«Qylmystyq-protsestik zańnama talaptaryna sáikes, quqyq buzýshylyqty alǵash ret jasaǵany jáne shyn júrekten ókingeni eskerilip, is aqtamaityn negizder boiynsha toqtatyldy», – delingen habarlamada.
Budan bólek, reperdiń kepilmen qamaýdan bosatylǵany habarlandy.
