Qazaqstan Prezidenti Qasym-Jomart Toqaev Jer komissiiasynyń jumysyn qaita jandandyrý qajettigin aitty, dep habarlaidy "Ult aqparat".
Aqorda baspasóz qyzmetiniń Twitter paraqshasyna sensek, biyl Jer kodeksiniń jekelegen normalaryna jariialanǵan moratoriidiń merzimi aiaqtalady.
«Aýyl sharýashylyǵyn damytý barysynda jer qatynastary mańyzdy ról atqaratyny belgili. Biyl Jer kodeksiniń jekelegen normalaryna jariialanǵan moratoriidiń merzimi aiaqtalady. Osyǵan orai, Jer jónindegi komissiianyń jumysyn qaita jandandyrý qajet. Usynystar baiyppen talqylanyp, túbegeili sheshim qabyldanýǵa tiis. Úkimetke biylǵy qarasha aiyna deiin Jer kodeksine túzetýler engizilýin qamtamasyz etýdi tapsyramyn» dedi Memleket basshysy búgingi Úkimettiń keńeitilgen otyrysynda.
Onyń aitýynsha, jaiylymnyń 99 paiyzy sharýa qojalyqtarynyń ieliginde. Alaida, onyń 36 paiyzynda ǵana mal jaiylady.
Qalǵan 46 million gektar jaiylym bos jatyr.
«Úkimetke Bas prokýratýramen birlesip, biylǵy jyldyń sońyna deiin osyndai jaiylymdardy qaitaryp alýdy tapsyramyn. Aýyl halqy ekonomika, óńirlik damý jáne teń múmkindik berý turǵysynan jańa ári serpindi sheshimder kútip otyr. Meniń tapsyrmammen Agroónerkásip kesheni týraly ulttyq joba ázirlenip jatyr. Aldaǵy bes jylda bul máseleni sheshýge tiispiz» dep atap ótti Prezident.
