قازاقستان پرەزيدەنتٸ قاسىم-جومارت توقاەۆ جەر كوميسسيياسىنىڭ جۇمىسىن قايتا جانداندىرۋ قاجەتتٸگٸن ايتتى, دەپ حابارلايدى "ۇلت اقپارات".
اقوردا باسپاسٶز قىزمەتٸنٸڭ Twitter پاراقشاسىنا سەنسەك, بيىل جەر كودەكسٸنٸڭ جەكەلەگەن نورمالارىنا جارييالانعان موراتورييدٸڭ مەرزٸمٸ اياقتالادى.
«اۋىل شارۋاشىلىعىن دامىتۋ بارىسىندا جەر قاتىناستارى ماڭىزدى رٶل اتقاراتىنى بەلگٸلٸ. بيىل جەر كودەكسٸنٸڭ جەكەلەگەن نورمالارىنا جارييالانعان موراتورييدٸڭ مەرزٸمٸ اياقتالادى. وسىعان وراي, جەر جٶنٸندەگٸ كوميسسييانىڭ جۇمىسىن قايتا جانداندىرۋ قاجەت. ۇسىنىستار بايىپپەن تالقىلانىپ, تٷبەگەيلٸ شەشٸم قابىلدانۋعا تيٸس. ٷكٸمەتكە بيىلعى قاراشا ايىنا دەيٸن جەر كودەكسٸنە تٷزەتۋلەر ەنگٸزٸلۋٸن قامتاماسىز ەتۋدٸ تاپسىرامىن» دەدٸ مەملەكەت باسشىسى بٷگٸنگٸ ٷكٸمەتتٸڭ كەڭەيتٸلگەن وتىرىسىندا.
ونىڭ ايتۋىنشا, جايىلىمنىڭ 99 پايىزى شارۋا قوجالىقتارىنىڭ يەلٸگٸندە. الايدا, ونىڭ 36 پايىزىندا عانا مال جايىلادى.
قالعان 46 ميلليون گەكتار جايىلىم بوس جاتىر.
«ٷكٸمەتكە باس پروكۋراتۋرامەن بٸرلەسٸپ, بيىلعى جىلدىڭ سوڭىنا دەيٸن وسىنداي جايىلىمداردى قايتارىپ الۋدى تاپسىرامىن. اۋىل حالقى ەكونوميكا, ٶڭٸرلٸك دامۋ جەنە تەڭ مٷمكٸندٸك بەرۋ تۇرعىسىنان جاڭا ەرٸ سەرپٸندٸ شەشٸمدەر كٷتٸپ وتىر. مەنٸڭ تاپسىرماممەن اگروٶنەركەسٸپ كەشەنٸ تۋرالى ۇلتتىق جوبا ەزٸرلەنٸپ جاتىر. الداعى بەس جىلدا بۇل مەسەلەنٸ شەشۋگە تيٸسپٸز» دەپ اتاپ ٶتتٸ پرەزيدەنت.
