Ǵalymdardyń aitýynsha, aýyl turǵyndary taýyp alǵan qysh qumyralar qola dáýirine jatady, dep habarlaidy Pavlodarnews.kz.
Jelezin aýdany Bashmachnoe aýylynda biyl «Nurly jer» baǵdarlamasy boiynsha sý qubyry tartylýda. Aýyl ákimi Merýert Moldaǵulovanyń sózinshe, 29 shilde kúni turǵyndar habarlasyp, sý qubyry tartylyp jatqan ýchaskede qumyra tabylǵany jaily aitqan.
- Jumysshylarmen sóileskenimde bul zattardyń 1-3 metr tereńdikten tabylǵanyn aitty. 5-7 metr qashyqtyqta 5-6 danasy bolǵan. Transheiany bir ret qazǵanda ekeýi, ekinshi ret taǵy ekeýi anyqtalǵan. Keibireýi synǵan kúide tabylǵan. Jerdiń astynan alyp shyqqanda keibireýi úgilip qalǵan. Qysh qumyranyń árbir bólsheginde sýret bar. Sol sýretter boiynsha jinap, 13-in oblystyq mýzeige tapsyramyz. Tórteýin arheologtar alyp ketti. Bul - ydystardyń bólshekteri. Al bútin qumyralar sany 4-5 dana, - dedi Merýert Moldaǵulova.
Aýyl mańynda PPÝ «Margulan Centre», G.N.Potanin atyndaǵy Pavlodar oblystyq mýzeiiniń Ertis mýzeii arheologtar ǵylymi toby sý qubyrlaryn ornatý kezinde tabylǵan jádigerlerdi zerttegen.
Ǵalymdardyń aitýynsha, bul biregei jádigerler oblys aýmaǵynda alǵash ret tabylyp otyr.
