جەر قازىپ جاتقاندار قولا دەۋٸرٸنە جاتاتىن قۇمىرالار تاپتى – پاۆلودار وبلىسى

عالىمداردىڭ ايتۋىنشا, اۋىل تۇرعىندارى تاۋىپ العان قىش قۇمىرالار قولا دەۋٸرٸنە جاتادى, دەپ حابارلايدى Pavlodarnews.kz.

جەلەزين اۋدانى باشماچنوە اۋىلىندا بيىل «نۇرلى جەر» باعدارلاماسى بويىنشا سۋ قۇبىرى تارتىلۋدا. اۋىل ەكٸمٸ مەرۋەرت مولداعۇلوۆانىڭ سٶزٸنشە, 29 شٸلدە كٷنٸ تۇرعىندار حابارلاسىپ, سۋ قۇبىرى تارتىلىپ جاتقان ۋچاسكەدە قۇمىرا تابىلعانى جايلى ايتقان.

- جۇمىسشىلارمەن سٶيلەسكەنٸمدە بۇل زاتتاردىڭ 1-3 مەتر تەرەڭدٸكتەن تابىلعانىن ايتتى. 5-7 مەتر قاشىقتىقتا 5-6 داناسى بولعان. ترانشەيانى بٸر رەت قازعاندا ەكەۋٸ, ەكٸنشٸ رەت تاعى ەكەۋٸ انىقتالعان. كەيبٸرەۋٸ سىنعان كٷيدە تابىلعان. جەردٸڭ استىنان الىپ شىققاندا كەيبٸرەۋٸ ٷگٸلٸپ قالعان. قىش قۇمىرانىڭ ەربٸر بٶلشەگٸندە سۋرەت بار. سول سۋرەتتەر بويىنشا جيناپ, 13-ٸن وبلىستىق مۋزەيگە تاپسىرامىز. تٶرتەۋٸن ارحەولوگتار الىپ كەتتٸ. بۇل - ىدىستاردىڭ بٶلشەكتەرٸ. ال بٷتٸن قۇمىرالار سانى 4-5 دانا, - دەدٸ مەرۋەرت مولداعۇلوۆا.

اۋىل ماڭىندا پپۋ «Margulan Centre», گ.ن.پوتانين اتىنداعى پاۆلودار وبلىستىق مۋزەيٸنٸڭ Ertis مۋزەيٸ ارحەولوگتار عىلىمي توبى سۋ قۇبىرلارىن ورناتۋ كەزٸندە تابىلعان جەدٸگەرلەردٸ زەرتتەگەن.

عالىمداردىڭ ايتۋىنشا, بۇل بٸرەگەي جەدٸگەرلەر وبلىس اۋماعىندا العاش رەت تابىلىپ وتىر.