4 paiyzdyq jeńildetilgen avtonesiede eshbir sanatqa basymdyq berilmeidi. «Ónerkásipti damytý qory» aktsionerlik qoǵamy basqarma tóraǵasynyń orynbasary Rinat Gapparov osyndai málimet aitty, dep habarlaidy QazAqparat.
«Birinshi kezekte avtosalonda bar kólik boiynsha ótinim bergen adamdar paiyzdyq avtonesie rásimdei alady. Iaǵni, birinshi kezekte dep basymdyq beriletin belgili bir sanat bolmaidy. Bári kezek negizinde retteledi», - dedi qordyń ókili.
Sondai-aq, ol 4 paiyzdyq avtonesie rásimdeýdiń qysqasha jolyn túsindirdi.
«Áýeli adam avtomobildi tańdap alýy kerek. Eger ol tańdaǵan kólik túri avtosalonda joq bolsa, kútý kerek bolady. Avtomobil kelgen kezde tutynýshy avtosalonǵa shaqyrtylady. Sol jerden ózi tańdaǵan kólikke tólem shotyn alady. Ol shotta kóliktiń VIN-kody bolýy kerek. Osy tólem shotyn qolyna alyp, bankten paiyzdyq nesie rásimdeidi.
Bank ótinim men tólem shotyn tek VIN-kod arqyly ǵana alady. Burynǵy jeńildetilgen avtonesie baǵdarlamasy boiynsha tólem shotynda VIN-kodtyń bolýy talap etilmeitin. Sonda jańa baǵdarlama boiynsha nesie salonda bar kólikterge ǵana rásimdeledi degen sóz. Osydan keiin nesie týraly ótinimdi maquldaý protsedýrasy júredi. Eger nesie maquldansa, kepilhat beriledi. Tutynýshy kepilhatty alyp, avtosalonǵa keledi. Osydan keiin ǵana kólikti onyń atyna rásimdeý bastalady», - dedi Rinat Gapparov.
