4 پايىزدىق جەڭٸلدەتٸلگەن اۆتونەسيەدە ەشبٸر ساناتقا باسىمدىق بەرٸلمەيدٸ. «ٶنەركەسٸپتٸ دامىتۋ قورى» اكتسيونەرلٸك قوعامى باسقارما تٶراعاسىنىڭ ورىنباسارى رينات گاپپاروۆ وسىنداي مەلٸمەت ايتتى, دەپ حابارلايدى قازاقپارات.
«بٸرٸنشٸ كەزەكتە اۆتوسالوندا بار كٶلٸك بويىنشا ٶتٸنٸم بەرگەن ادامدار پايىزدىق اۆتونەسيە رەسٸمدەي الادى. ياعني, بٸرٸنشٸ كەزەكتە دەپ باسىمدىق بەرٸلەتٸن بەلگٸلٸ بٸر سانات بولمايدى. بەرٸ كەزەك نەگٸزٸندە رەتتەلەدٸ», - دەدٸ قوردىڭ ٶكٸلٸ.
سونداي-اق, ول 4 پايىزدىق اۆتونەسيە رەسٸمدەۋدٸڭ قىسقاشا جولىن تٷسٸندٸردٸ.
«ەۋەلٸ ادام اۆتوموبيلدٸ تاڭداپ الۋى كەرەك. ەگەر ول تاڭداعان كٶلٸك تٷرٸ اۆتوسالوندا جوق بولسا, كٷتۋ كەرەك بولادى. اۆتوموبيل كەلگەن كەزدە تۇتىنۋشى اۆتوسالونعا شاقىرتىلادى. سول جەردەن ٶزٸ تاڭداعان كٶلٸككە تٶلەم شوتىن الادى. ول شوتتا كٶلٸكتٸڭ VIN-كودى بولۋى كەرەك. وسى تٶلەم شوتىن قولىنا الىپ, بانكتەن پايىزدىق نەسيە رەسٸمدەيدٸ.
بانك ٶتٸنٸم مەن تٶلەم شوتىن تەك VIN-كود ارقىلى عانا الادى. بۇرىنعى جەڭٸلدەتٸلگەن اۆتونەسيە باعدارلاماسى بويىنشا تٶلەم شوتىندا VIN-كودتىڭ بولۋى تالاپ ەتٸلمەيتٸن. سوندا جاڭا باعدارلاما بويىنشا نەسيە سالوندا بار كٶلٸكتەرگە عانا رەسٸمدەلەدٸ دەگەن سٶز. وسىدان كەيٸن نەسيە تۋرالى ٶتٸنٸمدٸ ماقۇلداۋ پروتسەدۋراسى جٷرەدٸ. ەگەر نەسيە ماقۇلدانسا, كەپٸلحات بەرٸلەدٸ. تۇتىنۋشى كەپٸلحاتتى الىپ, اۆتوسالونعا كەلەدٸ. وسىدان كەيٸن عانا كٶلٸكتٸ ونىڭ اتىنا رەسٸمدەۋ باستالادى», - دەدٸ رينات گاپپاروۆ.
