Indýstriia jáne infraqurylymdyq damý ministriniń baspasóz hatshysy Janjigit Omarhan ýákiletti memlekettik organdar jeńildikpen avtokreditteýdiń jańa baǵdarlamasyn ázirleý kezinde 2 nusqany qarastyryp jatqanyn aitty, dep habarlaidy Sputnik Qazaqstan.
Omarhan bul jóninde óziniń Facebook-tegi paraqshasynda jariialady. Ol jeńildikpen avtokreditteýdiń jańa baǵdarlamalaryn ázirleý barysy týraly aitylǵan aqparattyń BAQ-ta sál burmalanyp berilýi osy posty jazýǵa itermelegenin atap ótti.
"IIDM Avtomobil jasaý basqarmasynyń basshysy Rýslan Hisamýtdinov "Habar" telearnasyna suhbat berip, jeńildikpen avtokreditteýdiń jańa baǵdarlamalarynyń jobalary týraly áńgimelep berdi. Osy suhbat negizinde kolesa.kz portaly "Jeńildikpen avtokreditteýdiń jańa baǵdarlamasy. Alǵashqy málimetter" degen taqyryppen material jariialap, keiin ol ózge de aqparat quraldarynda taratyldy. Bul rette bastapqy aqparat sál burmalanǵan", - dep jazdy Omarhan.
Atap aitqanda, onyń aitýynsha, Hisamýtdinov aitqan "usynylady", "ázirlenedi" jáne "pysyqtalady" sózderiniń ornyna avtorlar "bolady", "erekshelenedi" siiaqty sózderdi qoldanǵan. Osylaisha oqyrmandar men kórermender jeńildikpen avtokreditteýdiń jańa baǵdarlamasy jasalyp, jaqyn arada iske qosylady dep qate oilap qalýy múmkin.
"Iaǵni, áli zerttelip, pysyqtalyp jatqan bastamalar qazirdiń ózinde qabyldanǵan sheshim retinde jetkizilgen. Osyǵan bailanysty qazir ýákiletti memlekettik organdar jeńildikpen avtokreditteýdiń jańa baǵdarlamalarynyń 2 nusqasyn qarastyryp jatqanyn aitqym keledi. Birinshi nusqada jeńildikti nesieleýge 4 jylǵa (birinshi jylǵa – 30 milliard) bólingen 150 milliard teńge (BAQ-ta aitylǵandai 250 milliard emes) baǵyttaý qarastyrylýda. Kredit berý sharttaryn 2015 jyldan iske qosylǵan eski baǵdarlamalarmen birdei etip qaldyrý usynylyp otyr", - dep habarlady indýstriia jáne infraqurylymdyq damý ministriniń baspasóz hatshysy.
Ekinshi usynylyp otyrǵan nusqa halyqtyń áleýmettik osal toptaryna bastapqy jarnasyz kredit berýdi qarastyrady. Buǵan deiin premer-ministr atap ótkendei, oǵan "ÓKM operatory" kompaniiasynda jinalǵan qarajattan shamamen 100 milliard teńge bólý usynylady.
Sondai-aq, Janjigit Omarhan bir adamǵa beriletin kredit shegin 7 million teńge qylý bastamasy talqylanyp jatyr. Bul usynys qabyldana ma, joq pa, ol jaǵy ekonomikalyq tiimdiligi men maqsatyna bailanysty aiqyndalady.
"Qalai bolǵanda da, eki nusqa da qazirgi ýaqytta mejesine jetken joq. Olar IIDM usynǵan túrde qabyldanbaýy da múmkin. Sondyqtan naqty sheshimder týraly aitýǵa áli erte. Jalpy alǵanda, 2022 jyly barlyq qujattyq jáne zańdyq protsester aiaqtalǵanda jeńildikpen avtokreditteýdiń jańa baǵdarlamasy iske qosylady", - dep túiindedi baspasóz hatshysy.
