يندۋسترييا جەنە ينفراقۇرىلىمدىق دامۋ مينيسترٸنٸڭ باسپاسٶز حاتشىسى جانجٸگٸت ومارحان ۋەكٸلەتتٸ مەملەكەتتٸك ورگاندار جەڭٸلدٸكپەن اۆتوكرەديتتەۋدٸڭ جاڭا باعدارلاماسىن ەزٸرلەۋ كەزٸندە 2 نۇسقانى قاراستىرىپ جاتقانىن ايتتى, دەپ حابارلايدى Sputnik قازاقستان.
ومارحان بۇل جٶنٸندە ٶزٸنٸڭ Facebook-تەگٸ پاراقشاسىندا جارييالادى. ول جەڭٸلدٸكپەن اۆتوكرەديتتەۋدٸڭ جاڭا باعدارلامالارىن ەزٸرلەۋ بارىسى تۋرالى ايتىلعان اقپاراتتىڭ باق-تا سەل بۇرمالانىپ بەرٸلۋٸ وسى پوستى جازۋعا يتەرمەلەگەنٸن اتاپ ٶتتٸ.
"ييدم اۆتوموبيل جاساۋ باسقارماسىنىڭ باسشىسى رۋسلان حيسامۋتدينوۆ "حابار" تەلەارناسىنا سۇحبات بەرٸپ, جەڭٸلدٸكپەن اۆتوكرەديتتەۋدٸڭ جاڭا باعدارلامالارىنىڭ جوبالارى تۋرالى ەڭگٸمەلەپ بەردٸ. وسى سۇحبات نەگٸزٸندە kolesa.kz پورتالى "جەڭٸلدٸكپەن اۆتوكرەديتتەۋدٸڭ جاڭا باعدارلاماسى. العاشقى مەلٸمەتتەر" دەگەن تاقىرىپپەن ماتەريال جارييالاپ, كەيٸن ول ٶزگە دە اقپارات قۇرالدارىندا تاراتىلدى. بۇل رەتتە باستاپقى اقپارات سەل بۇرمالانعان", - دەپ جازدى ومارحان.
اتاپ ايتقاندا, ونىڭ ايتۋىنشا, حيسامۋتدينوۆ ايتقان "ۇسىنىلادى", "ەزٸرلەنەدٸ" جەنە "پىسىقتالادى" سٶزدەرٸنٸڭ ورنىنا اۆتورلار "بولادى", "ەرەكشەلەنەدٸ" سيياقتى سٶزدەردٸ قولدانعان. وسىلايشا وقىرماندار مەن كٶرەرمەندەر جەڭٸلدٸكپەن اۆتوكرەديتتەۋدٸڭ جاڭا باعدارلاماسى جاسالىپ, جاقىن ارادا ٸسكە قوسىلادى دەپ قاتە ويلاپ قالۋى مٷمكٸن.
"ياعني, ەلٸ زەرتتەلٸپ, پىسىقتالىپ جاتقان باستامالار قازٸردٸڭ ٶزٸندە قابىلدانعان شەشٸم رەتٸندە جەتكٸزٸلگەن. وسىعان بايلانىستى قازٸر ۋەكٸلەتتٸ مەملەكەتتٸك ورگاندار جەڭٸلدٸكپەن اۆتوكرەديتتەۋدٸڭ جاڭا باعدارلامالارىنىڭ 2 نۇسقاسىن قاراستىرىپ جاتقانىن ايتقىم كەلەدٸ. بٸرٸنشٸ نۇسقادا جەڭٸلدٸكتٸ نەسيەلەۋگە 4 جىلعا (بٸرٸنشٸ جىلعا – 30 ميلليارد) بٶلٸنگەن 150 ميلليارد تەڭگە (باق-تا ايتىلعانداي 250 ميلليارد ەمەس) باعىتتاۋ قاراستىرىلۋدا. كرەديت بەرۋ شارتتارىن 2015 جىلدان ٸسكە قوسىلعان ەسكٸ باعدارلامالارمەن بٸردەي ەتٸپ قالدىرۋ ۇسىنىلىپ وتىر", - دەپ حابارلادى يندۋسترييا جەنە ينفراقۇرىلىمدىق دامۋ مينيسترٸنٸڭ باسپاسٶز حاتشىسى.
ەكٸنشٸ ۇسىنىلىپ وتىرعان نۇسقا حالىقتىڭ ەلەۋمەتتٸك وسال توپتارىنا باستاپقى جارناسىز كرەديت بەرۋدٸ قاراستىرادى. بۇعان دەيٸن پرەمەر-مينيستر اتاپ ٶتكەندەي, وعان "ٶكم وپەراتورى" كومپانيياسىندا جينالعان قاراجاتتان شامامەن 100 ميلليارد تەڭگە بٶلۋ ۇسىنىلادى.
سونداي-اق, جانجٸگٸت ومارحان بٸر ادامعا بەرٸلەتٸن كرەديت شەگٸن 7 ميلليون تەڭگە قىلۋ باستاماسى تالقىلانىپ جاتىر. بۇل ۇسىنىس قابىلدانا ما, جوق پا, ول جاعى ەكونوميكالىق تيٸمدٸلٸگٸ مەن ماقساتىنا بايلانىستى ايقىندالادى.
"قالاي بولعاندا دا, ەكٸ نۇسقا دا قازٸرگٸ ۋاقىتتا مەجەسٸنە جەتكەن جوق. ولار ييدم ۇسىنعان تٷردە قابىلدانباۋى دا مٷمكٸن. سوندىقتان ناقتى شەشٸمدەر تۋرالى ايتۋعا ەلٸ ەرتە. جالپى العاندا, 2022 جىلى بارلىق قۇجاتتىق جەنە زاڭدىق پروتسەستەر اياقتالعاندا جەڭٸلدٸكپەن اۆتوكرەديتتەۋدٸڭ جاڭا باعدارلاماسى ٸسكە قوسىلادى", - دەپ تٷيٸندەدٸ باسپاسٶز حاتشىسى.
