Keshe, 16 mamyr jeńildetilgen avtokredit baǵdarlamasy boiynsha 2,2 myń ótinim tústi. Ázirge ótinimdi eki bank qana qabyldap jatyr. Bul týraly indýstriia jáne infraqurylymdyq damý ministri Qaiyrbek Óskenbaev málimdedi, dep habarlaidy Sputnik Qazaqstan.
"Keshe Bank Tsentr kredit 1010 ótinim, al Eýraziialyq bank 1200 ótinim qabyldady. Qazir olar óńdelip jatyr. Iaǵni bir kúnde eki myńnan astam ótinim tústi", - dedi Óskenbaev úkimet kýlýarynda.
Osy oraida ministr avtosalondardaǵy keshegi dúrbeleń men uzyn-sonar kezekke qatysty da pikir bildirdi.
"Bul - ádettegi protsedýra. Úkimet ýáde bergendei, 16 mamyrda bankter ótinim qabyldai bastaidy. Bul da bizdiń mádenietimiz ǵoi, eger bárimiz bir ýaqytta, tańǵy segiz-toǵyzda barmasaq, mundai kezek bolmas edi. Qazir mysaly uzyn-sonar kezek joq", - dedi ol.
Eske salsaq, 16 mamyrda 4%-tik jeńildetilgen avtokredit baǵdarlamasy bastaldy. 16 mamyr tústen keiin ótinimderdi tek Bank Tsentrkredit pen Eýraziialyq bank qabyldady. Qalǵan bankter aptanyń sońyna qarai qosylady.
Jalpy avtokreditti barlyǵy tórt bank – Halyq banki, Bank Tsentrkredit, Forte Bank jáne Eýraziialyq bank beredi.
