كەشە, 16 مامىر جەڭٸلدەتٸلگەن اۆتوكرەديت باعدارلاماسى بويىنشا 2,2 مىڭ ٶتٸنٸم تٷستٸ. ەزٸرگە ٶتٸنٸمدٸ ەكٸ بانك قانا قابىلداپ جاتىر. بۇل تۋرالى يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ مەلٸمدەدٸ, دەپ حابارلايدى Sputnik قازاقستان.
"كەشە بانك تسەنتر كرەديت 1010 ٶتٸنٸم, ال ەۋرازييالىق بانك 1200 ٶتٸنٸم قابىلدادى. قازٸر ولار ٶڭدەلٸپ جاتىر. ياعني بٸر كٷندە ەكٸ مىڭنان استام ٶتٸنٸم تٷستٸ", - دەدٸ ٶسكەنباەۆ ٷكٸمەت كۋلۋارىندا.
وسى ورايدا مينيستر اۆتوسالوندارداعى كەشەگٸ دٷربەلەڭ مەن ۇزىن-سونار كەزەككە قاتىستى دا پٸكٸر بٸلدٸردٸ.
"بۇل - ەدەتتەگٸ پروتسەدۋرا. ٷكٸمەت ۋەدە بەرگەندەي, 16 مامىردا بانكتەر ٶتٸنٸم قابىلداي باستايدى. بۇل دا بٸزدٸڭ مەدەنيەتٸمٸز عوي, ەگەر بەرٸمٸز بٸر ۋاقىتتا, تاڭعى سەگٸز-توعىزدا بارماساق, مۇنداي كەزەك بولماس ەدٸ. قازٸر مىسالى ۇزىن-سونار كەزەك جوق", - دەدٸ ول.
ەسكە سالساق, 16 مامىردا 4%-تٸك جەڭٸلدەتٸلگەن اۆتوكرەديت باعدارلاماسى باستالدى. 16 مامىر تٷستەن كەيٸن ٶتٸنٸمدەردٸ تەك بانك تسەنتركرەديت پەن ەۋرازييالىق بانك قابىلدادى. قالعان بانكتەر اپتانىڭ سوڭىنا قاراي قوسىلادى.
جالپى اۆتوكرەديتتٸ بارلىعى تٶرت بانك – حالىق بانكٸ, بانك تسەنتركرەديت, Forte Bank جەنە ەۋرازييالىق بانك بەرەدٸ.
