Jenevada Armeniianyń Syrtqy ister ministri Zograb Mnatsakanian men Ázerbaijannyń Syrtqy ister ministri Djeihýn Bairamovpen kezdesýi aiaqtaldy.
Armeniianyń Syrtqy ister ministrliginiń baspasóz hatshysy Anna Nagdaliannyń Armenress agenttigine málim etýinshe, Armeniianyń Syrtqy ister ministri Zograb Mnatsakaniannyń Bairamovpen kezdesýi Minskiniń EQYU-daǵy tobynyń teń tóraǵalarynyń qatysýymen Jenevada Erevan ýaqyty boiynsha saǵat 17:00-de bastaldy.
Onyń aldynda Mnatsakanian Minskiniń EQYU-daǵy tobynyń teń tóraǵalarymen jáne EQYU-nyń is basyndaǵy tóraǵasynyń jeke ókili Andjei Kasprshikpen kezdesý ótkizdi.
AZERTADJ agenttigine Syrtqy ister ministrliginiń baspasóz qyzmeti basqarmasynyń habarlýynsha, kezdesý barysynda Djeihýn Bairamov shielenisti halyqaralyq quqyq pen normalar jáne BUU-nyń Qaýipsizdik Keńesiniń, halyqaralyq uiymdardyń qujattarynyń talaptaryna sai retteý baǵytyndaǵy Ázerbaijannyń pozitsiiasyn usyndy.
Gýmanitarlyq sharalar týraly aita kele, Djeihýn Bairamov Ázerbaijan usynyp otyrǵan konstrýktivti kózqarastyń mańyzdylyǵyna nazar aýdardy.
Osy rette ol ázerbaijandyqtardyń Armian tarapyna qaitys bolǵan adamdardyń máiitteri men qart áieldi tapsyrǵanyn eske saldy.
Djeihýn Bairamov Armeniia tarapynyń beibit turǵyndar men eldi mekenderdi atqylaýy halyqaralyq gýmanitarlyq quqyqtarǵa qaishy ekenin eskertti.
TASS agenttigi Ázerbaijan men Armeniia tarapynyń juma kúni Jenevada ótken kezdesý barysynda Taýly Qarabaqtaǵy atysty toqtatý baǵytynda birqatar shara qoldanatyn bolyp keliskendigin jazdy.
Bul rette taraptar el turǵyndary men áskeri emes nysandarǵa qarý qoldanbaityn boldy. Bul týraly Eýropadaǵy qaýipsizdik pen yntymaqtastyq uiymynyń baspasóz qyzmeti habarlaǵan.
Málimdemede Minskiniń EQYU-daǵy tobynyń Resei, Frantsiia jáne AQSh tarapynan usynylǵan teń tóraǵalary 30 qazan kúni Armeniia men Ázerbaijannyń Syrtqy ister ministrlerimen jeke jáne birlesken kezdesýler ótkizgenin habarlady.
Olar sonymen qatar, EQYU tóraǵasynyń jeke ókili Andjei Kaspshikpen, BUU-nyń bosqyndar jónindegi Joǵary komissary Filippo Grandimen jáne Halyqaralyq Qyzyl Krest komitetiniń prezidenti Peter Maýrermen konsýltatsiialar ókizgen.
Minskiniń EQYU-daǵy tobynyń málimdemesinde taraptardyń halyqaralyq gýmanitarlyq quqyq talaptaryna sáikes, beibit turǵyndar men áskeri emes nysandardyń nysanaǵa almaityny aitylǵan.
«Taraptar urysta qaitys bolǵandardyń máiitterin almasý jumystaryn belsendi júrgizbek. Bul rette olar Halyqaralyq Qyzyl Krest komitetine jáne EQYU-nyń jeke ókiline birlesken qimyldar kezinde qaýipsizdikke kepildik beriletinin málimdedi. Taraptar apta ishinde Halyqaralyq Qyzyq Krest komiteti men EQYU-nyń jeke ókiline ashyqtyqty qamtamasyz etý úshin tutqyndar týraly málimetterdi beredi» - delingen EQYU-nyń málimdemesinde.
