Reseilik advokat Sergei Jorin Qazaqstanda reper Navai-ǵa qatysty qylmystyq istiń toqtatylýyna bailanysty pikir bildirip, ónerpazdyń Reseide jaýapqa tartylý yqtimaldyǵyn túsindirdi. Sondai-aq ol reperdiń Qazaqstanǵa qaita kirýine qatysty shekteýler týraly aitty, dep habarlaidy ult.kz. Super basylymyna silteme jasap.
Advokattyń sózinshe, Qazaqstanda Navai Bakirovqa qatysty qylmystyq istiń toqtatylýy Reseide avtomatty túrde jańa is qozǵaýǵa negiz bolmaidy.
«Bakirovqa Reseide mindetti túrde qandai da bir jaza qoldanylady dep esepteýge negiz kórip turǵan joqpyn. Qazaqstanda qylmystyq istiń toqtatylýy ózdiginen Reseide jańa qylmystyq is qozǵaýǵa ákelmeidi», – dedi Sergei Jorin.
Onyń túsindirýinshe, Resei zańnamasyna sáikes, shetelde qylmys jasaǵan Resei azamatyn elinde qylmystyq jaýapqa tartý úshin zańda kózdelgen negizder men dálelder qajet. Basqa elde istiń toqtatylýynyń ózi jetkiliksiz.
Advokattyń pikirinshe, reperdiń Reseide jaýapqa tartylý yqtimaldyǵy tómen.
Navai Qazaqstanǵa qashan orala alady?
Sergei Jorin Qazaqstan zańnamasyna sáikes, sot sheshimimen elden shyǵarylǵan shetel azamatyna bes jyl boiy elge kirýge tyiym salynatynyn aitty. Bul merzim elden shyǵarý týraly sheshim oryndalǵan kúnnen bastap esepteledi.
Eger Navai Bakirovqa qatysty elden shyǵarý týraly sot sheshimi qabyldanǵan bolsa, ol aldaǵy bes jylda Qazaqstanǵa, sonyń ishinde kontsert ótkizý úshin de kele almaidy.
Navai-ǵa qatysty is qalai bastaldy?
Eske salaiyq, 14 qazanda reperdiń Astanadaǵy kontserti ótpeitini belgili boldy. Sol kúni Jambyl oblysynyń politsiia departamenti Navai esirtki kontrabandasyna kúdikpen ustalǵanyn habarlaǵan. Oǵan qatysty qylmystyq is qozǵalyp, ýaqytsha ustaý izoliatoryna qamalǵan.
15 qazanda ónerpazǵa qatysty qamaýǵa alý sharasy sanktsiialanǵany habarlandy. Onyń advokaty Rena Kerimova qorǵaý tarapy reperge aiyppul taǵaiyndalýyna qol jetkizýge tyrysatynyn aitqan.
Keiin Qazaqstanda oǵan qatysty qylmystyq is aqtamaityn negizder boiynsha toqtatylyp, reper elden shyǵaryldy.
